10.10.2026 | 17:44
Հայաստանի կրտսեր տարիքի պատանիների հավաքականը Եվրոպայի ստուգատեսում կունենա 17 բռնցքամարտիկ
Ուիթկոֆը Դմիտրիևի հետ Ֆլորիդայում բանակցությունները կառուցողական է անվանել
Քաղաքականություն
22.12.2025 | 11:46
Մայամիում ռուսական պատվիրակության հետ երկօրյա բանակցությունները ԱՄՆ նախագահի հատուկ ներկայացուցիչ Սթիվեն Ուիթկոֆն «արդյունավետ և կառուցողական» է գնահատել՝ գործնականում բառացիորեն կրկնելով իր հայտարարությունը ուկրաինական պատվիրակության հետ հանդիպման արդյունքների մասին, գրում է BBC-ի ռուսական ծառայությունը։
«Ռուսաստանը նախկինի պես հանձնառու է Ուկրաինայում խաղաղության հասնելուն։ Ռուսաստանը բարձր է գնահատում Միացյալ Նահանգների ջանքերն ու աջակցությունն ուկրաինական հակամարտության կարգավորման և համաշխարհային անվտանգության վերականգնման գործում»,- X-ում գրել է Ուիթկոֆը։
Կրեմլի հատուկ բանագնաց Կիրիլ Դմիտրիևը նույնպես ավելի վաղ նմանատիպ մեկնաբանություն էր արել բանակցությունների արդյունքների վերաբերյալ։ Ո՛չ ռուսական, ո՛չ էլ ամերիկյան կողմը այլ մանրամասներ չեն հրապարակել։
Մայամիում Ռուսաստանի և ԱՄՆ պատվիրակությունների հանդիպմանը նախորդել էին ԱՄՆ-ի և Ուկրաինայի ներկայացուցիչների միջև եռօրյա բանակցությունները, որոնց ավարտին ևս Ուիթկոֆը հայտարարել էր, որ Կիևը շարունակում է հանձնառու մնալ խաղաղության հասնելուն:
Ուիթկոֆի խոսքով՝ ամերիկացիները Կիևի ներկայացուցիչների հետ քննարկել են չորս փաստաթուղթ, այդ թվում՝ 20 կետանոց խաղաղության ծրագիրը, ԱՄՆ-ի կողմից Ուկրաինայի անվտանգության երաշխիքների վերաբերյալ փաստաթուղթը և Ուկրաինայի հետագա տնտեսական զարգացման ծրագիրը:
Թարգմանությունը՝ Էմմա Չոբանյանի
