Կառավարության որևէ անդամի առաջ կուսակցականության խնդիր դրված չի եղել․ Ավինյանի նախկին օգնական. ՏԵՍԱՆՅՈՒԹ

«Երբ ես ընդունել եմ Կառավարությունում աշխատանքի անցնելու առաջարկն, այդ հարցն արդեն եղել է իմ քննարկումների օրակարգում։ Փոխվարչապետի հետ ևս քննարկել եմ այդ հարցը, որ ես կուսակցության հիմնադրման գործընթացում եմ, քննարկումների մեջ եմ այլ հիմնադիրների հետ։ Ես իմ աշխատանքը սիրում էի և չկային այլ նախադրյալներ, որ ես թողնեի այն, քան ընտրական օրենսգրքում փոփոխություններ անելու նախագծի տապալումն էր, այսինքն կշարունակեի աշխատել։ Նամանավանդ, որ կառավարությունում որևէ կուսակցական անդամի առաջ կուսակցականության խնդիր չի դրվել աշխատանքի ընթացքում»,- Factor.am-ի հետ զրույցում, անդրադառնալով փոխվարչապետ Տիգրան Ավինյանի օգնականի պաշտոնը լքելու պատճառներին, ասաց Միքայել Նահապետյանը, ով հանդիսանում է «Քաղաքացու որոշում» նորաստեղծ կուսակցության հիմնադիր անդամներից մեկը։

«Քո» կուսակցության գործադիր մարմնի անդամ Արփի Թադևոսյանն էլ խոսեց նրանից, թե ինչով է տարբերվելու նորաստեղծ կուսակցությունը․

«Մեր կուսակցությունը պատրաստվում է լրիվ թափանցիկ և ժողովրդավարական մեթոդներով շարժվել, բոլոր նիստերը հեռարձակվելու են, նոր գործիքներ ու մեթոդներ ենք կիրառելու, որպեսզի ներգրավվածությունն ավելի մեծ ծավալներ ընդգրկի»։

Նորաստեղծ կուսակցության անդամներն անկեղծացան՝ շատ փող չունեն, նրանք 12 օրը համարում են բավական ժամանակահատված ընտրողների հետ շփվելու համար․ «Երկար քարոզարշավն ավելի մեծ ֆինանսներ է պահանջում։ Այն արագությունը, որը մենք զարգացնելու ենք մեր գործողությունների համար, մեծ տարբերություն չկա՝ 12 օրում ենք անելու, թե 25։ Կա նաև ամերկյան մոդելը․ մեկ տարվա քարոզարշավ, որի վրա ծախսվում են մեկ միլիարդ դոլար։ Մենք չունենք այդքան միջոցներ, և որքան կարճ տևի քարոզարշավը, մեզ համար այդքան ավելի նպատակահարմար»,- ասաց Միքայել Նահապետյանը։

Մանրամասները՝ տեսանյութում։

Լիլիթ Շաբոյան