10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Դատավորին առնչվող հարցերի պատասխանները սպառիչ ստացանք. Գևորգ Կոստանյան. ՏԵՍԱՆՅՈՒԹ
Հասարակություն
02.11.2018 | 12:59
Դատավորին առնչվող հարցերի պատասխաններն այս պահին սպառիչ ստացանք: Այս մասին այսօր՝ նոյեմբերի 2-ին, ՀՀ Ազգային ժողովում լրագրողների հետ զրույցում ասաց ԱԱԾ տնօրենի և ՀՔԾ պետի հեռախոսազրույցի գաղտնալսման հարցով ձևավորված քննիչ հանձնաժողովի նախագահ Գևորգ Կոստանյանը:
«Այս պահին պատասխանները սպառիչ էին, բայց դա չի նշանակում, որ դրանով ավարտվեց դատավորի հետ կապված գործընթացը»,- հավելեց նա:
Գևորգ Կոստանյանը վստահեցրեց, որ բոլոր պաշտոնյաները, որոնք առնչություն ունեն այդ ձայնագրության հետ, բոլորն անխտիր հրավիրվելու են քննիչ հանձնաժողով: Նա, սակայն, հրաժարվեց անուններ նշել:
«Հանձնաժողովի նիստի մասնակիցները չեն կարող նաև խոսել նիստի բովանդակային մասի վերաբերյալ: Բովանդակության հրապարակումն օրենքի կոպիտ խախտում է և պատասխանատվություն է ենթադրում»,- ասաց Կոստանյանը՝ լրագրողներին հորդորելով հանձնաժողովի անդամներին կամ հրավիրյալներին հարցեր չուղղել:
Մանրամասները՝ տեսանյութում:
