27.03.2026 | 15:15
Սյունիքում գետերը վարարել են // 23-ամյա չեչենուհուն Հայաստանում հուղարկավորեցին․ ԼՈՒՐԵՐ
ՄԱԿ-ի Արդյունաբերական զարգացման կազմակերպությունն ընդունել է Հայաստանի, Մեքսիկայի և Ֆիլիպինների Շրջանաձև տնտեսության վերաբերյալ բանաձևը
Քաղաքականություն
27.11.2025 | 18:49
Ռիյադում կայացած ՄԱԿ-ի Արդյունաբերական զարգացման կազմակերպության Գլխավոր համաժողովում միաձայն ընդունվել է Հայաստանի, Մեքսիկայի և Ֆիլիպինների նախաձեռնած բանաձևը, որը կոչված է խթանելու շրջանաձև տնտեսությունը՝ զարգացող երկրներում ապահովելով կայուն, ռեսուրսարդյունավետ և նորարարական արդյունաբերական զարգացում։ Այս մասին տեղեկացնում են ՀՀ ԱԳՆ-ից:
«Բանաձևի նպատակն է խթանել շրջանաձև տնտեսությունը՝ ուղղված ավելի կայուն, դիմացկուն և ռեսուրսների արդյունավետ օգտագործման վրա հիմնված արդյունաբերական զարգացմանը:
Բանաձևում հատուկ շեշտադրվում է, որ զարգացող երկրներին անհրաժեշտ է աջակցել շրջանաձև տնտեսության ներդրմանն ուղղված ջանքերում` ֆինանսավորման, կարողությունների զարգացման, տեխնոլոգիաների փոխանցման և նորարարական լուծումների հասանելիության ապահովման միջոցով: Այն կարևորում է միջազգային ֆինանսական հաստատությունների և զարգացման գործակալությունների կողմից աջակցության ընդլայնումը: Ընդգծվում է նաև, որ համագործակցության ամրապնդումը կարող է նպաստել զարգացող երկրների արդյունաբերական դիմադրողականության բարձրացմանը, աշխատատեղերի ստեղծմանը և կայուն զարգացման խթանմանը:
Ծանոթագրություն. Գլխավոր համաժողովը ՄԱԿ-ի Արդյունաբերական զարգացման կազմակերպության որոշումների կայացման գերագույն մարմինն է, որը գումարվում է երկու տարին մեկ անգամ»,- ասված է հաղորդագրությունում։
