15.11.2024 | 14:41
Բայրամովը՝ COP29-ին համաշխարհային առաջնորդների բացակայության և Ֆրանսիայի բոյկոտի մասին
Մեկնարկում է «Շեքսպիրյան 13-րդ միջազգային թատերական փառատոնը»
Մշակույթ
01.11.2018 | 14:43
ՀՀ մշակույթի նախարարության աջակցությամբ, Հայաստանի թատերական գործիչների և «Գալյա Նովենց» հասարակական կազմակերպության նախաձեռնությամբ՝ ս. թ. նոյեմբերի 1-5-ը կանցկացվի Երևանի «Շեքսպիրյան 13-րդ միջազգային թատերական փառատոնը». տեղեկացնում է ՀՀ մշակույթի նախարարության լրատվական ծառայությունը:
Փառատոնի բացման արարողությունը տեղի կունենա ս. թ. նոյեմբերի 1-ին, ժամը 19:00-ին, Հ. Պարոնյանի անվան երաժշտական կոմեդիայի պետական թատրոնում: Փառատոնը կմեկնարկի Վ. Շեքսպիրի «Ըստ մեր քաղաքի կանոնադրության կամ Չափն ընդեմ չափի» ներկայացումով:
Փառատոնի շրջանակում կհյուրընկալվեն 5 երկրից ժամանած ավելի քան 90 մասնակիցներ և հյուրեր` նրանց թվում հեղինակավոր արվեստագետներ, արտմենեջերներ, միջազգային փառատոնի նախագահներ՝ ԱՄՆ-ից, Մակեդոնիայից, Իտալիայից, Սանկտ Պետերբուրգից և այլ երկրներից:
Երևանյան 5 բեմահարթակներում կցուցադրվի 10 ներկայացում և Գյումրու Վ. Աճեմյանի ավան պետական դրամատիկական թատրոնում՝ 1 ներկայացում:
Փառատոնի շրջանակում կանցկացվեն նաև վարպետության դասեր` նվիրված արդի թատրոնի զարգացման նոր ուղղություններին:
Արտասահմանյան ներկայացումների մուտքն ազատ է, բացի Սանկտ Պետերբուրգի «Սուբբոտա» թատրոնի՝ «Ոչնչից մեծ աղմուկ» ներկայացումից:
