15.11.2024 | 15:24
YouTube-ը կրկին աշխատում է Ռուսաստանում
Կրեմլյան պալատում անցկացվելիք «Ուրարտու» երկրորդ մրցանակաբաշխությունը կնվիրվի Շառլ Ազնավուրի հիշատակին
Մշակույթ
31.10.2018 | 20:52
Ռուսաստանի հայ երիտասարդների հիմնած «Ուրարտու» ազգային երաժշտական երկրորդ մրցանակաբաշխության արարողությունը նվիրված կլինի աշխարհահռչակ շանսոնյե Շառլ Ազնավուրի հիշատակին: ՏԱՍՍ-ի փոխանցմամբ՝ մրցանակաբաշխությունը տեղի կունենա նոյեմբերի 3-ին Կրեմլյան պալատում:
«Անցյալ տարի Շառլ Ազնավուրի օրհնությամբ մենք համարձակվեցինք ինքնուրույն նման մեծածավալ նախագիծ իրականացնել: Մեր խնդիրը միասնության, մշակույթի և հոգևորականության պահպանումն է: «Ուրարտու» մրցանակաբաշխությունը նվիրում ենք մեր ուսուցչին՝ ի նշան անսահման հարգանքի»,- նշել է մրցանակաբաշխության կազմկոմիտեի համանախագահ Անուշ Կիրակոսյանը:
Կազմակերպիչները նշել են, որ մաեստրոն անձամբ է մասնակցել «Ուրարտու» առաջին մրցանակաբաշխությանը:
«Ուրարտու» երկրորդ մրցանակաբաշխությանը կմասնակցեն հայտնի դուդուկահար Ջիվան Գասպարյանը, ֆրանսիահայ երգիչներ Ռոզի Արմենն ու Ժան Տատլյանը, հայտնի երգիչ Ռուբեն Մաթևոսյանը և այլք:
