15.11.2024 | 14:30
Դատարանը Ռոբերտ Քոչարյանին, Սեյրան Օհանյանին և Յուրի Խաչատուրովին բերման ենթարկելու որոշում կայացրեց․ ՏԵՍԱՆՅՈՒԹ
Հնդկաստանում տեղադրվել է աշխարհի ամենաբարձր արձանը
Մշակույթ
31.10.2018 | 13:14
Հնդկաստանում ավարտվել է աշխարհի ամենամեծ արձանի տեղադրումը․ հայտնում է aljazeera.com-ը։
Բացման արարողությանը ներկա է եղել վարչապետ Նարենդրա Մոդին։ 430 միլիոն դոլար արժողությամբ արձանը Հնդկաստանի անկախության պայքարի առաջնորդ ու առաջին նախարար Սարդար Վալաբհբհայի Պատելի պատվին է։
Նրան նաև «Հնդկաստանի երկաթե պարոն» են անվանում։ «Նման նշանակալի իրադարձությունները կարևոր դեր ունեն մեր երկրի պատմության մեջ»,- ընդգծել է Մոդին։
Արձանն աշխարհում ամենաբարձրն է՝ 182 մ բարձրություն, իսկ ամենաբարձր շինությունների ցանկում այն միանգամից երրորդ տեղում է հայտնվել՝ Բուրջ Խալիֆայից և Էյֆելյան աշտարակից հետո։
Այն պատրաստված է բետոնից, երկաթից ու բրոնզից։ Շինարարության վրա ավելի քան 3500 բանվոր է աշխատել։ Արձանին կից նաև 153 մ բարձրությամբ օղակաձև պատկերասրահ կգործի, որտեղ հնարավոր կլինի ծանոթանալ Հնդկաստանի պատմությանը։
