19.08.2026 | 18:29
Խմբակցության նիստ ունեինք, հետ վերադարձանք. «Ուժեղ Հայաստան» խմբակցության քարտուղար․ ՏԵՍԱՆՅՈՒԹ
Արարատ Միրզոյանը պաշտոնական այցով Վրաստան կմեկնի
Քաղաքականություն
13.11.2025 | 19:08
ՀՀ արտաքին գործերի նախարար Արարատ Միրզոյանը նոյեմբերի 13-ին պաշտոնական այցով կմեկնի Վրաստան։ Այս մասին հայտնել է Վրաստանի արտաքին գործերի նախարարությունը, փոխանցում է վրացական Առաջին ալիքը։
Գերատեսչության տվյալներով՝ այցի շրջանակում Վրաստանի արտաքին գործերի նախարար Մակա Բոճորիշվիլին կհանդիպի Հայաստանի արտաքին գործերի նախարարի հետ։ Կքննարկվեն ռազմավարական գործընկերության և տարածաշրջանային համագործակցության հարցեր:
Հանդիպումից հետո երկու երկրների արտաքին գործերի նախարարները հանդես կգան մամուլի համար հայտարարություններով։
Արարարտ Միրզոյանը կհանդիպի Վրաստանի նախագահ Միխեիլ Ղավելաշվիլիի, վարչապետ Իրակլի Կոբախիձեի և խորհրդարանի նախագահ Շալվա Պապուաշվիլիի հետ։
ՀՀ արտաքին գործերի նախարարը նաև ծաղկեպսակ կդնի Վրաստանի միասնության համար զոհված հերոսների հուշարձանին, ասվում է հաղորդագրությունում։
Թարգմանությունը՝ Էմմա Չոբանյանի
