13.06.2026 | 10:29
Երկու զինվորական դատախազի նկատմամբ կարգապահական տույժ է կիրառվել՝ գործերի հսկողության թերացումների համար
«Կարսի վերջնախաղը» «Նարեկի» պես ազդեցիկ է. տեղի ունեցավ Վլադիմիր Հարությունյանի գրքի շնորհանդեսը. ՏԵՍԱՆՅՈՒԹ
30.10.2018 | 16:38
Հայաստանի Առաջին Հանրապետության իրական պատմությունն ու պատմական Կարսի անկումը. Ռազմավարական և ազգային հետազոտությունների կենտրոնում տեղի ունեցավ Վլադիմիր Հարությունյանի «Կարսի վերջնախաղը» գրքի շնորհանդեսը:
Օրը խորհրդանշական է. 1920 թվականի հոկտեմբերի 30-ին Կարսը թուրքերին անցավ։ Ազգային արխիվում հայտնաբերված, երբեմն նույնիսկ անընթեռնելի փաստաթղթերի վերծանումների ու վերլուծությունների արդյունքը երկար չի սպասեցրել: Վլադիմիր Հարությունյանի գրքի կողքին Կարսի առաջին և միակ հայ նահանգապետ Ստեփան Ղորղանյանի հուշագրություններն են։ Հեղինակն անկեղծանում է. Հայաստանի իրական պատմությունն այդ հուշերի մեջ է տեսել: Խիզախում է նշել, որ գիրքը «Նարեկի» պես ազդեցիկ է: 1921 թվականին գրված հուշերը միայն 65 տարի անց են Ազգային արխիվում հայտնվել, իսկ Վլադիմիր Հարությունյանի ու «Մոդուս Վիվենդի» կենտրոնի ղեկավար Արա Պապյանի շնորհիվ՝ երկրորդ կյանք ստացել:
Երբեմնի պատմական քաղաքի անկման պատճառներն իմանալը հայ ընթերցողին կօգնի պիտանի դասեր քաղել՝ ապագայում նման սխալները կանխելու համար:
Մանրամասները՝ տեսանյութում:
