Նոր տարին՝ առանց հին բանտի. որտեղ և ինչ պայմաններում կպահվեն դատապարտյալները ԴՀ ՔԿՀ-ի փակվելուց հետո․ ՏԵՍԱՆՅՈՒԹ

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

19-20-րդ դարերում կառուցված «Դատապարտյալների հիվանդանոց» քրեակատարողական հիմնարկը 2026 թվականի հունվարի 1-ից այլևս գոյություն չի ունենա․ տարեվերջին ՔԿՀ-ի գործունեությունը կդադարեցվի։

Իսկ ինչ է սպասվում այնտեղ պահվող՝ առողջական խնդիրներ ունեցող 50 կալանավորներին և դատապարտյալներին։ Այս հարցի լուծումն Արդարադատության և Առողջապահության նախարարությունները համատեղ գտել են․ դեռևս սեպտեմբերի 9-ին «Արմավիր» ՔԿՀ-ում բացվեց ստացիոնար բժշկական ստորաբաժանում, որը փոխարինելու է տարեվերջին փակվող հիմնարկին։ 

Նախագծի քննարկման ժամանակ մտահոգություններ են ներկայացրել կառավարության մի քանի կառույցներ՝ Փաշինյանի աշխատակազմի պետաիրավական վարչության գլխավորությամբ։ Գլխավորն այն է, որ որևէ անդրադարձ չի կատարվել նոր քրեակատարողական հիմնարկ ստեղծելու հարցին.

«Նախագծի հիմնավորմամբ՝ նախատեսվում է քննարկել «Նուբարաշեն», «Վարդաշեն», «Դատապարտյալների հիվանդանոց» և «Երևան-Կենտրոն» ՔԿՀ-ները փակելու հնարավորությունը՝ նոր ՔԿՀ կառուցելու դեպքում։ Հետևաբար, առանց օրենքի պահանջի ապահովման մեխանիզմների նկարագրման և ընդամենը բժշկական օգնության ու սպասարկման ոլորտում ընդունված միջազգային ստանդարտներին չհամապատասխանելու վերաբերյալ ներկայացված հիմնավորումներով գործող քրեակատարողական հիմնարկի գործունեության դադարեցումը, մեր գնահատմամբ, խնդրահարույց է»։

Եվ այստեղ արժե հիշել Փաշինյանի իշխանության օրոք արդարադատության նախարար Ռուստամ Բադասյանի խոստման մասին․ «Նոր ՔԿՀ, այո՛, նախատեսվում է կառուցել»։

Ոչ միայն 2020 թվականին նոր հիմնարկի կառուցում չսկսվեց, այլև նախագծի մասին Փաշինյանի աշխատակազմի դիտարկումը չընդունվեց գերատեսչության կողմից։ Չընդունվեցին նաև Ֆինանսների նախարարության 3 նկատառումները.

«Բացահայտված չեն ՊՈԱԿ-ի նոր տեղամասի կարողությունները՝ բոլոր դատապարտյալներին բժշկական լիարժեք և որակյալ ծառայություններ մատուցելու հնարավորության վերաբերյալ, ինչպես նաև լոգիստիկ դժվարությունների հետ կապված ֆինանսական ռիսկերը»։

ՔԿՀ-ներում դիտորդական առաքելություն իրականացնող խումբը, թեև ողջունում է «Դատապարտյալների հիվանդանոց» ՔԿՀ-ի փակումը, սակայն ևս մտահոգություններ է նշում։

«Դատապարտյալների հիվանդանոց» ՔԿՀ-ում գտնվող ոչ բոլոր անձինք կտեղափոխվեն նոր տեղամաս։ Հոգեկան առողջության խնդիրներ ունեցող անձանց բուժումը նախատեսված է կազմակերպել «Հոգեկան առողջության պահպանման ազգային կենտրոն» մասնագիտական կենտրոնում: 

«Դատապարտյալների հիվանդանոց» ՔԿՀ-ի բուժանձնակազմից ահազանգեր է ստանում նաև Factor TV-ն։ Նրանք հայտնում են, որ չեն ցանկանում տեղափոխվել այլ ՔԿՀ, պատճառը ոչ միայն երկար ճանապարհն է, այլև աշխատանքի հնարավոր ծանրաբեռնվածությունը։ Կալանավորների և դատապարտյալների առողջական վիճակի բարելավո՞ւմ, թե՞ գերհագեցվածություն կառաջացնի «Արմավիր» նոր տեղամասը, պարզ կդառնա հաջորդ տարվա ընթացքում։

Մանրամասները՝ տեսանյութում։

Ռոզա Վարդանյան