04.02.2026 | 12:11
Իրանական նավակները փորձել են ամերիկյան լցանավ գրավել Հորմուզի նեղուցում. F-35 կործանիչն իրանական ԱԹՍ է խոցել
Չախոյանին ծեծի ենթարկելու դեպքի առթիվ վարույթ է նախաձեռնվել
Հասարակություն
21.10.2025 | 10:44
Քաղաքացիական ակտիվիստ Արթուր Չախոյանին ծեծի ենթարկելու դեպքի առթիվ նախաձեռնվել է քրեական վարույթ մի խումբ անձանց կողմից ֆիզիկական ներգործության և կողոպուտ կատարելու հատկանիշներով։ Այս մասին Factor.am-ին հաստատեց Քննչական կոմիտեի մամուլի խոսնակ Կիմա Ավդալյանը։
Նշենք, որ Երևանի ավագանու «Մայր Հայաստան» խմբակցության անդամ Մեսրոպ Մանուկյանն էր երեկ հայտնել, որ «կազմակերպված խմբով հարձակվել են Արթուր Չախոյանի վրա՝ ծեծել նրան և գողացել հեռախոսը»։
ՆԳՆ խոսնակ Նարեկ Սարգսյանն էլ երեկ մեզ հայտնել էր, որ մեկ անձ ձերբակալվել է։
Նշենք, որ Չախոյանը մի հրապարակում էր արել, որտեղ պնդել էր, թե «Նոր Նորքի թաղապետարանի քթի տակ՝ առանց շինթույլտվության, ահռելի մեծ շուկա են կառուցում՝ մայթը քանդելով։ Ընդ որում, մայթը վերականգնում է ոչ թե քանդողը, այլ Երևանի քաղաքապետարանը»: Չախոյանը վարչապետի ու քաղաքապետի ուշադրությունն էր հրավիրել և խնդրել պարզաբանում։
Արփի Հակոբյան
