20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Արմավիրում հանրային սննդի օբյեկտի գործունեություն է կասեցվել
Հասարակություն
17.10.2025 | 16:07
ՀՀ սննդամթերքի անվտանգության տեսչական մարմնի սննդամթերքի անվտանգության վարչության տեսուչները ստուգում են իրականացրել «Վան-Վասպուրական» ՍՊԸ-ին պատկանող հանրային սննդի օբյեկտում (Արմավիր, Հանրապետության փողոց 31/2)․ տեղեկացնում են ՍԱՏՄ-ից:
«Ստուգման ընթացքում պարզվել է, որ այստեղ աշխատում են սանիտարահիգիենիկ բնույթի խախտումներով։
Մասնավորապես՝
• սննդի կառույցը կառուցված չի եղել այնպես, որ բացառվի կեղտի կուտակումը,
• պատերի և առաստաղների մակերևույթները գտնվել են ոչ նորոգ վիճակում, որը հնարավոր չի եղել հեշտորեն մաքրել և ախտահանել,
• սննդամթերք պարունակող տարածքների մակերևույթները՝ սառնարանի դարակաշարերը չեն պահվել նորոգ վիճակում, հեշտությամբ չեն մաքրվել և չեն ախտահանվել,
• մնացորդները տեղադրված չեն եղել համապատասխան փակ բեռնարկղերում։
ՍԱՏՄ ղեկավարի որոշմամբ՝ հանրային սննդի օբյեկտի արտադրական գործունեությունը կասեցվել է, մինչև հայտնաբերված խախտումները վերացնելը»,- ասված է հաղորդագրությունում։
