10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
ԱԹՍ-ները հարվածել են Ղրիմին․ նավթաբազա է հրդեհվել․ ՏԵՍԱՆՅՈՒԹ
Քաղաքականություն
17.10.2025 | 12:42
Բռնակցված Ղրիմի՝ Ռուսաստանի կողմից նշանակված ղեկավար Սերգեյ Աքսյոնովը հայտարարել է, որ անօդաչու թռչող սարքերի հարձակման հետևանքով մի քանի էլեկտրական ենթակայաններ են վնասվել։ Ռուսաստանի պաշտպանության նախարարությունն էլ հայտնել է Ղրիմի երկնքում խոցված 32 ուկրաինական անօդաչու թռչող սարքի մասին, գրում է Current time-ը։
«Ներկայում վերականգնման աշխատանքներ են ընթանում: Վերանորոգման ավարտի և էլեկտրաէներգիայի վերականգնման ժամկետների մասին լրացուցիչ տեղեկություններ կհրապարակվեն ավելի ուշ՝ պաշտոնական տեղեկատվական ռեսուրսներում»,- գրել է Աքսյոնովը։
Կրասնոպերեկոպսկի շրջանի իշխանությունները հայտնել են էլեկտրաէներգիայի անջատման մասին։
Տեղի բնակիչները տեսանյութեր են հրապարակում Սիմֆերոպոլի շրջանի Գվարդեյսկոյե գյուղում բռնկված հրդեհի մասին: Ուկրաինական Supernova+ տելեգրամ ալիքը հաղորդում է, որ հրդեհը տեղի է ունեցել Կեդր ընկերությանը (ATAN բենզալցակայանների ցանց) պատկանող նավթաբազայում։
Крым.Реалий-իի տվյալներով՝ այս ընկերությանն է պատկանում թերակղզում բենզալցակայանների ամենամեծ ցանցը։ Նավթաբազայի վրա հարձակումը պաշտոնապես չի հաստատվել:
Թարգմանությունը՝ Էմմա Չոբանյանի
