05.10.2026 | 20:12
Արաղչին Միրզոյանին հայտնել է Իրանի պատրաստակամությունը՝ շարունակել բազմակողմ համագործակցությունը, այդ թվում՝ 3+3 ձևաչափով
Չի լինելու, օրինակ, ասեք՝ բա հայտարարագիրը չեմ լրացրել և փողոցից պատահական գտել եմ 4 միլիոն դրամ․ Փաշինյան․ ՏԵՍԱՆՅՈՒԹ
Հասարակություն
16.10.2025 | 14:00
130,000 քաղաքացի արդեն հայտարարագրել է իր տվյալները: Այս մասին Կառավարության նիստում հայտարարեց ՀՀ վարչապետ Նիկոլ Փաշինյանը։
Գործադիրի ղեկավարը մանրամասնեց, որ hայտարարագիրը լրացրած անձաց 79 տոկոսը, ըստ էության, պետությանը ոչ մի նոր տվյալ չի տալիս և լրացնում է միայն այն տվյալները, որոնք պետությունը կամ գիտի, կամ քաղաքացու թույլտվության դեպքում կարող է իմանալ։ Ըստ Փաշինյանի՝ այստեղից հետևյալ հարցն է առաջանում։
«Ինչու ենք մենք մարդկանց 79 տոկոսին ասում՝ մտե՛ք հայտարարագիր լրացրեք, երբ ինքնաշխատ ձևով այդ հայտարարագիրը լրացված է։ Մենք եկանք եզրակացության, որ եկեք ինքնաշխատ ձևով լրացրեք հայտարարագիրը»,- նշեց վարչապետը։
Ըստ կառավարության ղեկավարի, սակայն, սրանով քաղաքացին չի ազատվում հայտարարագիր լրացնելու պարտավորությունից։
«Օրինակ, եթե քաղաքացին ունի հարկման ենթակա եկամուտներ, ինքը չհայտարարագրեց, մի տեղ դա դուրս ա գալու։ Այդ դեպքում արդեն հարաբերությունների կարգավորման բոլորովին ուրիշ տրամաբանություն է գործելու՝ մեր օրենսդրության համաձայն։ Չի լինելու, օրինակ, ասեք՝ բա հայտարարագիրը չեմ լրացրել և փողոցից պատահական գտել եմ 4 միլիոն դրամ և մոռացել էի այդ գումարը հայտարարագրել»,- նկատեց Փաշինյանը։
Հիշեցնենք, որ պետությունը նախատեսում է նվազեցնել համընդհանուր հայտարարագրման համակարգը։
Քաղաքացին հայտարարագիր չի լրացնի, եթե ՊԵԿ-ում առկա ֆինանսական տվյալներից բացի՝ այլ եկամուտ չունի: Հայտարարագիր լրացնելու անհրաժեշտություն կլինի այն պարագայում, երբ քաղաքացին ցանկանում է օգտվել սոցիալական կրեդիտներից:
Պետության կողմից շահառուն հետվճար է ստանում այն դեպքում, երբ տարվա ընթացքում կատարել է առողջապահության և կրթության գծով ծախսեր:
Մանրամասները՝ տեսանյութում։
Մանյա Պողոսյան
