28.06.2026 | 18:55
Վթարված մեքենայում հայտնաբերվել է նախկին նախարար Գագիկ Ստամբուլցյանի մարմինը
ՆԱՏՕ ԽՎ աշնանային նստաշրջանի աշխատանքները շարունակվում են
Քաղաքականություն
12.10.2025 | 18:13
ՆԱՏՕ ԽՎ հանձնաժողովների նիստերի ընթացքում ընդունվել են պաշտպանության, մարդու իրավունքների, տնտեսական և այլ ոլորտների մի շարք բանաձևեր: Այս մասին հայտնում են ԱԺ պաշտպանության և անվտանգության հարցերի մշտական հանձնաժողովից։
«Ե´վ ՆԱՏՕ-ն, և´ ԵՄ-ն կարող են իրենց ներդրումն ունենալ տարածաշրջանում կայունության ամրապնդման գործում՝ բաց պահելով առևտրային ուղիները` ամրապնդելով մատակարարման շղթաները` ապահովելով էներգիայի, պարենի և այլ ապրանքների ներհոսք և հիմք դնելով տարածաշրջանի ապագա բարգավաճման և կայունության համար՝ ի դեմս նրանց, ովքեր հետապնդում են վտանգավոր կայսերական նախագծեր», – Էկոնոմիկայի եւ անվտանգության հարցերի մշտական հանձնաժողովի նիստի ընթացքում իր զեկույցի եզրակացության մեջ նշել է Հունգարիայի խորհրդարանի անդամ Թամաս Հարանգոզոն:
Վեհաժողովը, թեև ինստիտուցիոնալ առումով առանձնացված է ՆԱՏՕ-ից, կարևոր կապող օղակ է ծառայում ՆԱՏՕ-ի և ՆԱՏՕ անդամ երկրների խորհրդարանների միջև: Այն ապահովում է ՆԱՏՕ-ի քաղաքականության ավելի մեծ թափանցիկություն և նպաստում Հյուսիսատլանտյան միության օրենսդիրների և քաղաքացիների շրջանում Հյուսիսատլանտյան Միության նպատակների և խնդիրների ավելի լավ ընկալմանը: 2025 թվականի ընթացքում Վեհաժողովը նշում է խորհրդարանական դիվանագիտության 70-ամյակը։
