06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
ԱՊՀ գլխավոր քարտուղարը պատմել է Դուշանբեի գագաթնաժողովում Փաշինյանի և Ալիևի ջերմ զրույցի մասին
Քաղաքականություն
10.10.2025 | 14:56
ԱՊՀ գլխավոր քարտուղար Սերգեյ Լեբեդևը հայտնել է, որ Դուշանբեում ընթացող ԱՊՀ գագաթնաժողովի շրջանակում Ադրբեջանի նախագահ Իլհամ Ալիևը և Հայաստանի վարչապետ Նիկոլ Փաշինյանը ջերմ զրուցել են, որի ընթացքում քննարկել են տարածաշրջանում խաղաղության և անվտանգության ամրապնդման ուղղությամբ հետագա առաջընթացը, գրում է ՌԻԱ Նովոստին։
«Եվ ոչ միայն եղանակը, այլև Դուշանբեի գեղեցիկ, տոնական մթնոլորտը նպաստեցին բազմաթիվ հանդիպումների և քննարկումների, որոնք դրական արդյունքներ են տվել։ Դուք, հավանաբար, ինքներդ տեսաք, թե ինչպես Հայաստանի վարչապետը և Ադրբեջանի նախագահը ջերմորեն շփվում և քննարկում էին ոչ թե վիճելի հարցեր, այլ թե ինչպես առաջ շարժվել Հարավային Կովկասի տարածաշրջանում խաղաղության և անվտանգության ամրապնդման գործում»,- գագաթնաժողովից հետո լրագրողներին ասել է Լեբեդևը։
Նա հավելել է, որ «շատ ջերմ և բովանդակալից զրույցներ են տեղի ունեցել նաև այլ պետությունների ղեկավարների միջև, դրանք ունեցել են կոնկրետ առաջարկներ և նախագծեր»։
Թարգմանությունը՝ Էմմա Չոբանյանի
