05.02.2026 | 23:16
Երևանում և 9 մարզում էլեկտրաէներգիայի անջատումներ կլինեն
Ֆինլանդիայի ԱԳ նախարարը կայցելի Հայաստան, Ադրբեջան, Վրաստան
Քաղաքականություն
10.10.2025 | 15:38
Ֆինլանդիայի արտաքին գործերի նախարար Էլինա Վալտոնենը, որպես Եվրոպայի անվտանգության և համագործակցության կազմակերպության (ԵԱՀԿ) գործող նախագահ, հոկտեմբերի 13-ից 15-ը կայցելի Հարավային Կովկասի երկրներ՝ Ադրբեջան, Հայաստան և Վրաստան։ Սա նրա առաջին այցն է Հարավային Կովկաս՝ որպես ԵԱՀԿ գործող նախագահ, հայտնում է Ֆինլանդիայի ԱԳՆ-ն։
«Հայաստանում և Ադրբեջանում մեր քննարկումը կկենտրոնանա երկու երկրների միջև հարաբերությունների կարգավորման վրա։ Այս տարի կարևոր քայլեր են ձեռնարկվել այդ ուղղությամբ։ Ֆինլանդիան աջակցում է երկրների ջանքերին՝ երկարատև խաղաղության հասնելու համար»,- ասել է Վալտոնենը։
Վրաստան այցը կկենտրոնանա Ժնևի միջազգային քննարկումների (ԺՄՔ) վրա, որոնք անդրադառնում են 2008 թվականի պատերազմի հետևանքներին: ԵԱՀԿ-ն կարևոր դեր է խաղում ԺՄՔ-ի համանախագահության գործում:
Այցի ընթացքում Ֆինլանդիայի ԱԳ նախարարը կկենտրոնանա նաև Վրաստանում քաղաքացիական հասարակության վիճակի վրա:
Թարգմանությունը՝ Էմմա Չոբանյանի
