19.05.2026 | 11:48
Մասկն ընդդեմ Ալթմանի. դատարանը մերժել է OpenAI-ի դեմ աղմկահարույց հայցը
Ժաննա Անդրեասյանն ընդունել է ՀՀ-ում ՌԴ դեսպան Սերգեյ Կոպիրկինի գլխավորած պատվիրակությանը
Հասարակություն
06.10.2025 | 11:17
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
ՀՀ ԿԳՄՍ նախարար Ժաննա Անդրեասյանն ընդունել է ՀՀ-ում Ռուսաստանի Դաշնության արտակարգ և լիազոր դեսպան Սերգեյ Կոպիրկինի գլխավորած պատվիրակությանը: Քննարկվել է գիտության ոլորտում համագործակցությունը զարգացնելու հեռանկարները՝ նախանշելով ուսանողների, ասպիրանտների հետ գիտնականների հանդիպման հնարավորությունը։
«Հանդիպմանը քննարկվել են կրթության, գիտության, մշակույթի, սպորտի և երիտասարդության ոլորտներում Հայաստանի և Ռուսաստանի միջև առկա համատեղ ծրագրերի և հետագա համագործակցության հեռանկարները:
Ողջունելով դեսպանին՝ ԿԳՄՍ նախարար Ժաննա Անդրեասյանն անդրադարձել է լեգենդար դիրիժոր Վալերի Գերգիևի ղեկավարությամբ Մարիինյան թատրոնի սիմֆոնիկ նվագախմբի՝ Հայաստանի ազգային ֆիլհարմոնիկ նվագախմբի 100-ամյակի շրջանակում կայացած համերգին՝ բարձր գնահատելով միջոցառման անցկացումը՝ որպես մշակութային բացառիկ իրադարձություն: Այս համատեքստում կողմերն անդրադարձել են տարեվերջին նախատեսվող «Ռուսաստանում Հայաստանի մշակույթի օրեր» խորագրով միջոցառման ծրագրին՝ կարևորելով տարբեր ոլորտներում մշակութային կապերի ամրապնդումը: Նախարարն իրազեկել է, որ այժմ նպատակաուղղված աշխատանքներ են իրականացվում մարզերում թանգարանային կյանքն ակտիվացնելու և, այդպիսով, այցելուների թիվն ավելացնելու ուղղությամբ: Անդրադարձ է եղել Հայաստանի և Ռուսաստանի երիտասարդների միջև համաժողովների կազմակերպմանը՝ կարևորելով երիտասարդների շփման դաշտի ակտիվացումը:
Կողմերը քննարկել են գիտության ոլորտում համագործակցությունը զարգացնելու հեռանկարները՝ նախանշելով ուսանողների, ասպիրանտների հետ գիտնականների հանդիպման հնարավորությունը:
Հանդիպմանը քննարկվել են նաև երկուստեք հետաքրքրություն ներակայցնող այլ հարցեր»,- ասված է հաղորդագրությունում։
