06.08.2026 | 11:19
Պատասխանը պատրաստ է, այն կստանաք ու կվայելեք․ Ղազարյանը՝ «հայ սակրավորների մահը ցանկանալու» մասին․ ՏԵՍԱՆՅՈՒԹ
Խնդիրը չի սկսվում և չի ավարտվում «Սասնա ծռերով». Հայկ Ալումյանը մեկնաբանում է փաստաբանների նկատմամբ ճնշումները
Հասարակություն
18.07.2017 | 16:38
Ընդհանուր գրոհ է սկսվել մարդու իրավունքների դեմ: Այս մասին Factor.am-ի հետ զրույցում հայտարարեց փաստաբան Հայկ Ալումյանը՝ անդրադառնալով «Սասնա ծռեր» խմբի գործով դատական նիստերի ընթացքում փաստաբանների նկատմամբ ճնշումներին:
«Չեմ կարծում, որ խնդիրը պայմանավորված է միայն և բացառապես «Սասնա ծռերի» գործով, ընդհանուր գրոհ է սկսվել մարդու իրավունքների դեմ: Հավանաբար այս անգամ արդեն նպատակ է դրված այդ գրոհը սկսել փաստաբանության ողնաշարը կոտրելուց»,- մեզ հետ զրույցում ասաց «Սասնա ծռեր» խմբի անդամ Սմբատ Բարսեղյանի փաստաբան Հայկ Ալումյանը:
Փաստաբանի խոսքով՝ նախկինում էլ մարդու իրավունքների դեմ գրոհներ արձանագրվել են, սակայն փաստաբանները ոտքի են կանգնել, իրենց վստահորդների գործերը ներկայացրել Եվրոպական դատարանում և այլ միջազգային կառույցներում, ինչի արդյունքում այդ գրոհները չեն հաջողել:
«Հիմա փորձ է արվում հակառակ ուղղությունից ամեն ինչ անել, այսինքն՝ սկզբում կոտրում են փաստաբանության ողնաշարը, որից հետո մարդու իրավունքները կմնան անպաշտպան»,- նշեց փաստաբանը:
Մանրամասները՝ տեսանյութում:
Շողիկ Գալստյան
