25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Երբեք բավարարված չենք եղել ԱՄՆ-ի նախկին վարչակազմի՝ մեր տարածաշրջանում աշխատանքից․ Փաշինյան․ ՏԵՍԱՆՅՈՒԹ
Քաղաքականություն
28.08.2025 | 12:58
«Օ՛Բրայենը նախագահ Թրամփի պաշտոնավարման արդյունքում զրկվել է իր պաշտոնից և հիմա խնդիր ունի բացատրելու, թե ինչու նախագահ Թրամփի վարչակազմը կարողացավ անել այն, ինչ իրենք չկարողացան անել։ Օ՛Բրայենի ասածը և՛ տարօրինակ է, և՛, մյուս կողմից, բացարձակ տարօրինակ չէ։ Եթե նա աշխատանքից զրկվել է, պետք է ինքնահայեցմամբ զբաղվի, ոչ թե իր աշխատանքը կորցնելու մեղքը փորձի բարդել ՀՀ-ի վրա»,- այս մասին լրագրողների հետ ճեպազրույցում հայտարարել է վարչապետ Նիկոլ Փաշինյանը։
Նրա խոսքով՝ ԱՄՆ նախկին պաշտոնյան խոսում է Հայաստանի խոցելիության մասին, բայց Հայաստանն ամենախոցելին եղել է հենց իր պաշտոնավարման շրջանում։
«Ուզում եմ հիշեցնել 2021-23 թվականների իրադարձությունները։ Մենք երբեք բավարարված չենք եղել այն արձագանքից և աշխատանքից, որ Միացյալ Նահանգների՝ այդ պահին գործող վարչակազմն իրականացրել է մեր տարածաշրջանում խաղաղության օրակարգին աջակցելու համար»,- հայտարարել է Փաշինյանը։
Հիշեցնենք՝ Ջեյմս Օ՛Բրայենը, որն ԱՄՆ նախորդ նախագահ Ջո Բայդենի վարչակազմում զբաղվում էր հայ-ադրբեջանական խաղաղության ու ապաշրջափակման հարցերով, հայտարարել էր՝ «ԱՄՆ-ը Բաքվին կանխավճար տվեց խաղաղության դիմաց, Երևանը հայտնվեց խոցելի վիճակում»
Մանրամասները՝ տեսանյութում։
Մանյա Պողոսյան
