09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Հայաստանն ու Արցախը խաղաղության գործընկերներ չունեն. Ռիչարդ Կիրակոսյան
Քաղաքականություն
02.05.2017 | 16:18
«Ռազմավարական և ազգային հետազոտությունների կենտրոնի» տնօրեն Ռիչարդ Կիրակոսյանը լրագրողների հետ զրույցում խոսելով ապրիլի 28-ին Մոսկվայում կայացած Նալբանդյան-Լավրով-Մամեդյարով հանդիպման մասին, ասել է՝ այն, որ Հայաստանի և Ադրբեջանի արտգործնախարարների միջև հանդիպումը կայացել է, կարևոր է:
«Բայց ես զայրացած եմ, որ Հայաստանն ու Արցախը խաղաղության գործընկերներ չունեն: Հայաստանը դիվանագիտական առումով ունի գործընկեր, բայց ոչ ռազմական առումով»,- ասել է նա:
Անդրադառնալով Էլմար Մամեդյարովի այն հայտարարությանը, թե եկել է խոսքից գործի անցնելու ժամանակը, ասել է. «Այն առավել շատ ռուսական դիվանագիտության արտացոլումն է: Կարևոր է, որ ի տարբերություն Ուկրաինայի, Ղրիմի, Ռուսաստանն այս հիմնախնդրի պարագայում աշխատում է Արևմուտքի հետ»:
