15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Սևանա լճից 17-ամյա տղայի դի է դուրս բերվել
03.08.2025 | 16:37
Այսօր Գեղարքունիքի մարզում ողբերգական դեպք է տեղի ունեցել։ Փրկարարները Սևանա լճից դուրս են բերել 17 տարեկան տղայի, որի կյանքը փրկել չի հաջողվել։ Factor.am-ի հետ զրույցում տեղեկությունը հաստատեց ՆԳՆ մամուլի խոսնակ Նարեկ Սարգսյանը։
Խոսնակի խոսքով՝ պատահարը մասնավոր լողափերից մեկում է եղել։
Shamshyan.com-ի տեղեկություններով՝ ժամը 10։30-ի ՆԳՆ փրկարար ծառայության ճգնաժամային կառավարման ազգային կենտրոն ահազանգ է ստացվել, որ Սևանա լճում՝ Չկալովկա գյուղի մոտ՝ լճափին երեխա է կորել ու հնարավոր է, որ նա ջրահեղձ է եղել։
Ըստ լրատվամիջոցի՝ ջրային վաշտի պարեկները նավակով և սկուտեռով քաղաքացիների հետ «Գոռ Արս» լողափի տարածքում Սևանա լճից դուրս են բերել տղային, ում «Սևան» բժշկական կենտրոնի շտապօգնության բժիշկների հերթապահ խումբը առաջին բուժօգնություն է ցուցաբերել, սակայն երեխայի կյանքը փրկել չի հաջողվել։
Անի Թամրազյան
