31.07.2026 | 14:13
«Ժողովրդավարությունը հաճախ հետընթաց է ապրում ընտրված իշխանությունների՝ համակարգը քանդող քայլերից»․ Նարեկ Սուքիասյան. ՏԵՍԱՆՅՈւԹ
Սարիկ Մինասյանը իր՝ նախարար նշանակվելու լուրերի մասին
Քաղաքականություն
29.07.2025 | 11:11
Գյումրիի ավագանու «Քաղաքացիական պայմանագիր» խմբակցության ղեկավար Սարիկ Մինասյանը Factor.am-ի հետ զրույցում հերքեց նախարար նշանակվելու մասին տեղեկությունները։
«Ես հայտարարել եմ, որ մանդատս չեմ դնելու։ Նախարարի պաշտոնի հետ համատեղելի չէ ավագանու անդամ լինելը»,-ասաց Սարիկ Մինասյանը՝ նշելով, որ ավագանու անդամ է մնալու մինչև ավագանու լիազորությունների ավարտը։
«Առավոտ»-ն էր գրել, որ իրենց տեղեկություններով Գյումրիի ավագանու «Քաղաքացիական պայմանագիր» խմբակցության ղեկավար Սարիկ Մինասյանը նշանակվելու է ՀՀ աշխատանքի և սոցալական հարցերի նախարար։ Ըստ լրատվամիջոցի՝ գործող նախարար Նարեկ Մկրտչյանը նշանակվելու է ԱՄՆ-ում ՀՀ դեսպան։
Հիշեցնենք, որ Սարիկ Մինասյանը Գյումրիի ավագանու արտահերթ ընտրություններին գլխավորում էր իշխող ՔՊ կուսակցության ցուցակը։ Իշխանությանը թեև հաջողվեց Գյումրիում ստանալ ամենաշատ քվեները, բայց ընդդիմադիրները կոալիցայով վերցրեցին քաղաքի կառավարումը։
Նարեկ Կիրակոսյան
