27.02.2026 | 01:53
«Նոան» խոշոր հաշվով պարտվեց «ԱԶ Ալկմարին» ու դուրս մնաց Կոնֆերենցիաների լիգայից․ ՏԵՍԱՆՅՈՒԹ
Գալստանյանի գործով կալանավորվածների թիվն այս պահի դրությամբ 18 է
Հասարակություն
23.07.2025 | 16:15
Բագրատ արքեպիսկոպոս Գալստանյանին առնչվող քրեական վարույթի շրջանակներում մեղադրյալների թիվն այս պահի դրությամբ 18 է։ Այս մասին Factor TV-ի հետ զրույցում ասաց Քննչական կոմիտեի նախագահի մամուլի քարտուղար Կիմա Ավդալյանը։
«Ահաբեկչության և իշխանությունը յուրացնելը նախապատրաստելու դեպքի առթիվ նախաձեռնված քրեական վարույթի շրջանակներում այս պահի դրությամբ 18 անձի նկատմամբ հանրային քրեական հետապնդում է հարուցվել, որոնց նկատմամբ որպես խափանման միջոց կիրառվել է կալանքը»,- ասաց Ավդալյանը։
Հիշեցնենք, որ մոտ 1 ամիս առաջ՝ հունիսի 25-ին իրավապահները «Սրբազան շարժման» առաջնորդ Բագրատ արքեպիսկոպոս Գալստանյանի կեցավայրում ու այլ քաղաքացիների բնակարաններում խուզարկություններ կատարելուց հետո ձերբակալեցին Գալստանյանին ու այլ անձանց։
Շատ չանցած Քննչական կոմիտեն հաղորդագրություն տարածեց այն մասին, որ քրեական վարույթ է նախաձեռնվել ակաբեկչության և իշխանությունը զավթելը նախապատրաստելու հոդվածներով։ Գալստանյանն ու աջակիցները չեն ընդունում առաջադրված մեղադրանքները։
Արաքս Մամուլյան
