22.02.2026 | 20:35
Մուտքային և ելքային չվերթների սահմանափակումներ` Մոսկվայի օդանավակայաններում
Բոլոր վճարները բարեխիղճ կատարել ենք. հիմա գաղտագողի եկել, ուզում են քանդեն ավտոտնակս. քաղաքացի. ՏԵՍԱՆՅՈՒԹ
Հասարակություն
23.07.2025 | 13:44
«Արդեն 70 տարի բարեխղճորեն բոլոր վճարներն արել ենք, հիմա եկել, ուզում են քանդեն ավտոտնակս»,- Factor TV-ի հետ զրույցում ասաց Արամի 64 հասցեի շենքին հարակից ավտոտնակը տնօրինողը։
«Սա իմ տարածքն է, ես հին երևանցի եմ, կարա՞ք ինչ-որ բան անեք։ Ժամանակին մեզ խաբել են, ճանաչել են գերակա շահ, հետո հանել են այս տարածքը, հասկանո՞ւմ եք՝ խաբեություն է տեղի ունեցել։ Քաղաքապետարանը, պարոն Ավինյանի գլխավորությամբ, պիտի հարգի մեր իրավունքները։ Մեզ չեն ծանուցել այս աշխատանքների մասին»,- վրոդովված ասաց կինը։
Ի պատասխան Երևանի քաղաքապետարանի աշխատակազմի հասարակական կարգի պահպանության ծառայության պետի պաշտոնակատար Ավետ Բաբայանն ասաց, որ ունեն քաղաքապետի որոշում և ապամոնտաժելու են, իսկ որոշումը հրապարակված է եղել քաղաքապետարանի կայքէջում։
«Սա հերթական պրոցես է, Երևանում բոլոր ինքնակամ շինությունները ապամոնտաժվում են»,- նշեց Բաբայանը։
Նշենք, որ Երևանի քաղաքապետարանն ապամոնտաժման աշխատանքներ էր իրականացնում Արամի 64 շենքի բակային հատվածում։ Քանդվեցին մետաղյա ավտոտնակներ ու այլ կոնստրուկցիաներ։ Բնակիչները, որոնք տարիներ շարունակ օգտագործել էին ավտոտնակները, բողոքում և խնդրում էին, որ գոնե այլ վայրում տեղ հատկացնեն իրենց ավտոտնակների համար։
Մանրամասները՝ տեսանյութում։
Արփի Հակոբյան
