Քաղաքականություն
10.07.2025 | 13:43
ՀՀ քննչական կոմիտեն հայտնել էր, որ ՀՅԴ անդամների տներում խուզարկությունների արդյունքում հայտնաբերվել են էլեկտրական անդրապայթիչ (детонатор), որը նախատեսված է հեռավար գործարկման համար, դրա բաղկացուցիչ մասեր, մարտական նռնակ, մարտական նռնակի պայթուցիչ (запал), վառոդ, ռադիոկապի միջոցներ, այլ իրեր և առարկաներ։
ՀՅԴ Հայաստանի Գերագույն մարմնի հանրային կապերի գրասենյակը արձագանքել է Քննչական կոմիտեի այս հաղորդագրությանը՝ նշելով․
«Հայտնում ենք, որ դաշնակցականների տների խուզարկության արդյունքում որևէ ապօրինի առարկա չի հայտնաբերվել։ Առգրավված բոլոր զենքերը օրինական են։ Նկարներում պատկերված առարկաների մեծ մասը, այդ թվում՝ նռնականման առարկան նախատեսված է Սթրայքբոլ խաղի համար։ Նռնականման առարկայի ներսում պահվել են Սթրայքբոլ խաղի համար նախատեսված սիսեռի հատիկներ»,- գրված է հաղորդագրության մեջ։
