09.10.2026 | 22:57
Կարո՞ղ է Իսրայելը բաժանել Բաքվին և Անկարային․ ինչի կարող են հանգեցնել վերջին հակասությունները․ BBC-ի անդրադարձը
Արդեն 4 ժամ է անցել, մեր պաշտպանյալներին չենք էլ տեսել, սա անօրինականություն է. փաստաբան․ ՏԵՍԱՆՅՈՒԹ
Հասարակություն
10.07.2025 | 13:10
Ինչպես արդեն հայտնել էինք ՀՅԴ անդամների տներում խուզարկությունների հետևանքով ձերբակալված անձանց տեղափոխել են Երևան քաղաքի քննչական վարչություն։ Նրանց փաստաբաններին թույլ չեն տալիս հանդիպել իրենց պաշտպանյալների հետ։ Փաստաբան Սերգեյ Հարությունյանը լրագրողների հետ զրույցում տեղի ունեցողը շոու որակեց։
«Վստահ եմ, որ այս շենքում պրոֆեսիոնալ իրավաբաններ են, նրանք այս վարույթի նյութերին ծանոթանալով ու տղայի ցուցմունքը լսելուց հետո լիարժեք հասկացել ու պատկարացրել են, որ խոսք է գնում ընդամենը սպորտաձևի մասին»,-ասաց փաստաբանը։
Նա նաև հայտարարեց` պաշտպաններով որոշել են հեռանալ, քանի որ քննչական կոմիտեում անելիք չունեն։
«Մենք՝ փաստաբաններս, որոշում կայացրեցինք, որ մենք այստեղ անելիք չունենք, որովհետև սա հերթական ապօրինի «մասկի շոուն» է լինելու, հերթական ահաբեկչական ինչ-որ խմբավորում հայտնաբերելն է լինելու, նույնիսկ ՄԻՊ աշխատակիցների գալուց հետո թույլ չեն տվել մուտք գործել, հասկացել ենք, որ մեր մասնակցությունով մենք լեգիտիմացնելու ենք այս գործընթացը»,- շեշտեց Հարությունյանը։
Հիշեցնենք՝ ՀՅԴ Հայաստանի Գերագույնի մարմնից հայտնել էին, որ վաղ առավոտից ուժային կառույցները ներխուժել են ՀՅԴ անդամների տներ։ Խուզարկություններ են իրականացվել ՀՀ ԱԺ պատգամավոր Գեղամ Մանուկյանի, ՀՅԴ Հայաստանի Գերագույն մարմնի աշխատակազմի ղեկավար Վահագն Մատինյանի և «Եղվարդ» խոշորացված համայնքի ավագանու անդամ, ՀՅԴ Հայաստանի Երիտասարդական միության Կենտրոնական վարչության նախագահ Գևորգ Մուրադյանի տներում։
Ըստ ՀՅԴ-ի հաղորագրության՝ բերման է ենթարկվել ՀՅԴ Երևանի Քաղաքային կոմիտեի անդամ Արսեն Մարտոյանը, ինչպես նաև ԱԱԾ-ն առգրավել է ԱԺ պատգամավոր Գեղամ Մանուկյանի հեռախոսը, իսկ որդուն՝ Տարոն Մանուկյանին՝ ձերբակալել։
Ավելի ուշ ՔԿ-ն հանդես եկավ հայտարարությամբ՝ տեղեկացնելով, որ ահաբեկչության նախապատրաստության դեպքի առթիվ նախաձեռնված քրեական վարույթի շրջանակներում 7 անձ ձերբակալվել է, որոնցից մեկի նկատմամբ հարուցվել է հանրային քրեական հետապնդում՝ Քրեական օրենսգրքի 43-308-րդ հոդվածի 1-ին մասով՝ ահաբեկչության նախապատրաստություն։
ՔԿ-ի հաղորդմամբ՝ իրականացրած քննչական և վարութային գործողությունների,այդ թվում՝ մի շարք հասցեներում կատարված խուզարկությունների արդյունքում հայտնաբերվել են էլեկտրական անդրապայթիչ (детонатор), որը նախատեսված է հեռավար գործարկելու համար, դրա բաղկացուցիչ մասեր, մարտական նռնակ, մարտական նռնակի պայթուցիչ (запал), վառոդ, ռադիոկապի միջոցներ, քննության համար հետաքրքրություն ներկայացնող այլ իրեր և առարկաներ։
Իր հերթին ՀՅԴ-ից էլ պարզաբանել են, որ դաշնակցականների տների խուզարկության արդյունքում որևէ ապօրինի առարկա չի հայտնաբերվել, առգրավված բոլոր զենքերը օրինական են։ ՀՅԴ-ի փոխանցմամբ՝ ՔԿ-ի հրապարակած լուսանկարներում պատկերված առարկաների մեծ մասը, այդ թվում նռնականման առարկան նախատեսված է սթրայքբոլ խաղի համար։
Մանրամասները՝ տեսանյութում։
Մանյա Պողոսյան
