06.12.2025 | 23:56
Պլոմբել են Գյումրիի Յոթ Վերք եկեղեցու դռները` Փաշինյանի այցից առաջ
Խուզարկությամբ հայտնաբերվել են գողացված հայելիներ. ոստիկանների բացահայտումը
Հասարակություն
02.07.2025 | 18:12
ՀՀ ոստիկանությունն արդեն հայտնել էր Նուբարաշենի 6-րդ փողոցի շենքերից մեկի բակում կայանված «Ջիփ Կոմպաս» մակնիշի մեքենայի կողային հայելիների գողության մասին: Դեպքը կատարվել էր հունիսի 9-ին, և Համայնքային ոստիկանության Արաբկիրի բաժնում ստացած օպերատիվ տվյալների իրացման արդյունքում՝ բացահայտվել: Գողության կասկածանքով Նուբարաշենի բաժին էին ներկայացվել 17-ամյա և 21-ամյա երկու երիտասարդներ: Պարզվել էր նաև գողոնի տեղը։
«Ըստ տվյալների` 21-ամյա երիտասարդը նույնանման գողություններ էր կատարել նաև Երևանի այլ թաղամասերում։
Նախաձեռնված քրեական վարույթի շրջանակում կատարված խուզարկությամբ Երևանի շենքերից մեկի նկուղում հայտնաբերվել են գողացված պահեստամասեր, և իրավապահները ձեռնարկում են միջոցներ` դրանց օրինական տերերին հայտնաբերելու ուղղությամբ: Մասնավորապես` հայտնաբերվել է 14 զույգ հայելու ապակի, մեքենայի երկու հայելի, մեկ զույգ լուսարձակ, «Ֆորդի» մեկ զույգ հակամառախուղային լուսարձակ և «Մազդայի» տարբերանշան»,- ասված է ՆԳՆ-ի տարածած հաղորդագրությունում։
