21.02.2026 | 15:17
Օդի ջերմաստիճանը ողջ հանրապետությունում կնվազի ևս 5-8 աստիճանով
Որ անձին տարաք բանտ, չի՞ կարող խոսել. Աջապահյանի պաշտպանը՝ նրա կալանքն անհիմն է համարում․ ՏԵՍԱՆՅՈՒԹ
Հասարակություն
30.06.2025 | 11:59
Միքայել սրբազանի կալանավորումը իրավական գործընթաց չէր, դատավարության իմիտացիա էր, ձևական առումով ապահովվեց»,- այս մասին լրագրողների հետ զրույցում ասաց հունիսի 28-ին կալանավորված Միքայել արքեպիսկոպոս Աջապահյանի փաստաբան Ռոման Ահարոնյանը։
Պաշտանի խոսքով սրբազանին կալանավորելու միջնորդության մեջ նշվել են Քրեական դատավարության օրենսգրքում առկա կալանավորման բոլոր հիմքերը։
Ռոման Ահարոնյանը նշեց, որ անձի նկատմամբ խափանման միջոց ընտրելու իմաստը վարույթի բնականոն, անխոչընդոտ ընթացքն ապահովելն է։
Տվյալ դեպքում Միքայել Արբազանի նկատմամբ քրեական հետապնդում է հարուցվել խոսքի համար, որի բովանդակությունը հրապարակված է։
«Մեր, այսպես ասած, «հանցանքը» բացահայտված է, տեսագրված է, սա այն հանցանքն է, որը հիմնված է խոսքի բովանդակության վրա, բայց ասում են՝ անձին կալանավորեք, որովհետև կխոչընդոտի որ բացահայտենք, վկաների վրա կազդի և այլն։ Համարենք՝ ուզում եմ ազդեմ, գամ, ի՞նչ ցուցմունք տամ, ասեմ՝ սրբազանը չի՞ ասել տենց բան։ Կամ որ անձին տարաք բանտ, չի՞ կարող խոսել»,- հարց բարձրացրեց Ռոման Ահարոնյանը։
Մանրամասները՝ տեսանյութում։
Արաքս Մամուլյան
