23.05.2026 | 17:49
Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Քննչական կոմիտեի շենքի մոտից բերման ենթարկվածները ձերբակալվել են արդարադատության իրականացմանը խոչընդոտելու գործի շրջանակներում
Հասարակություն
27.06.2025 | 19:03
Քննչական կոմիտեի մոտ քիչ առաջ ձերբակալություններ տեղի ունեցան։ Տեղեկությունը Factor TV-ի հետ զրույցում հաստատում են ՆԳՆ ոստիկանությունից։
«Մի խումբ անձինք քրեական վարույթի շրջանակներում ձերբակալվել և տեղափոխվել են Համայնքային ոստիկանության տարածքային ստորաբաժանումներ»,- հայտնում են կառույցից։
Նշենք, որ այսօր, երբ ԱԱԾ-ն փորձում էր Մայր Աթոռ Սուրբ Էջմիածնից ձերբակալել Շիրակի թեմի առաջնորդ Միքայել արքեպիսկոպոս Աջապահյանին, բակում մեծ թվով քաղաքացիներ էին հավաքվել, որոնք փորձում էին թույլ չտալ։
Շուտով Քննչական կոմիտեն հաղորդագրություն տարածեց այն մասին, որ քրեական վարույթ է նախաձեռնվել՝ արդարադատության իրականացմանը խոչընդոտելու հատկանիշներով։
Factor TV-ի տեղեկություններով՝ հենց այս գործի շրջանակներում են իրավապահները ձերբակալել Քննչական կոմիտեի շենքի դիմաց գտնվող մի խումբ անձանց։
Արաքս Մամուլյան
