08.09.2026 | 09:38
Երևանին 254 մլն դրամ նվիրաբերած «ԷՎՈԿԱԲԱՆԿ»-ին կենտրոնում ծառայողական ավտոկայանատեղ կտրամադրվի
Հայաստանում օգոստոսի 12-ից մինչև հոկտեմբերի 3-ը ներառյալ կանցկացվեն վարժական հավաքներ
Հասարակություն
26.06.2025 | 11:24
Կառավարությունը չզեկուցվող հարցով հաստատեց Հայաստանում վարժական հավաքներ անցկացնելու ժամանակացույցը։ Գործադիրը հաստատեց, որ օգոստոսի 12-ից մինչև հոկտեմբերի 3-ը ներառյալ Հայաստանում կհայտարարվեն վարժական հավաքներ։
Հիմնավորման մեջ նշվում է, որ վարժական հավաքներ կհայտարարվեն պահեստազորի առաջին խմբի առաջին և երկրորդ կարգերում հաշվառված շարքային, ենթասպայական և սպայական կազմերի պահեստազորայինների համար։
Վարժական հավաքները հայտարարվում են պահեստազորայինների ռազմական ունակությունների կատարելագործման, մասնագիտական վերապատրաստման և պատրաստման, բարձրագույն կրթություն ունեցող ենթասպայական կազմից պահեստազորի սպաների պատրաստման, մարտական հերթապահության ներգրավման նպատակով.
Հավելենք, որ հայտարարված վարժական հավաքների ընթացքում յուրաքանչյուր քաղաքացի ներգրավվում է ոչ ավելի, քան 25 օրացույցային օր ժամկետով:
Մանյա Պողոսյան
