08.09.2026 | 16:32
Նոր սահմանադրության հրապարակված տեքստը պաշտոնական չէ․ 5 օր առաջ ստեղծված կայքը, Իկոնոմովի պնդումը և նախարարության պարզաբանումը
Հայկական կարմիր խաչը հայ-իրանական սահմանից հանել է առաջին օգնության կետը
20.06.2025 | 18:27
Հայկական կարմիր խաչի ընկերության մասնագետները հայ-իրանական սահմանին մոնիթորինգային աշխատանք են իրականացնում։ Տեղեկությունը Factor.am-ին հայտնել է Հայկական կարմիր խաչի ընկերության լրատվության և լուսաբանման բաժնի ղեկավար Արթուր Հովհաննեսյանը։
«Երեկ առաջին օգնության կետ էինք բացել, անհրաժեշտության դեպքում կարող էինք ավելի շատ բացել, սակայն առողջական և հոգեբանական օգնության կարիք չառաջացավ, մարդիկ գալիս ուղղակի մեքենա են նստում ու գնում։ Առաջին օգնության կետը, որպես այդպիսին իմաստ չուներ պահել»,- ասաց Հարությունյանը։
Նրա խոսքով՝ հայ-իրանական սահմանային հատվածում մասնագետներ ունեն, որոնք Իրանից եկող քաղաքացիների կարիքների գնահատում են իրականացնում։
«Մոնիթորինգ իրականացնող տղաներն առաջին օգնության հրահանգիչներ են, իրենք անհրաժեշտ պարագաներն ունեն, հարկ եղած դեպքում կարող են օգնություն ցուցաբերել»,- հավելեց Հարությունյանը։
Նշենք, որ արդեն քանի օր է՝ Հայաստան-Իրան սահմանի «Ագարակ» անցակետով քաղաքացիների ակտիվ հոսքը կա։ Իրան-Իսրայել՝ օրեցօր ավելի թեժացող հակամարտությունը բազմաթիվ մարդկանց ստիպել է լքել իրենց բնակավայրերը։
Անի Թամրազյան
