08.09.2026 | 16:32
Նոր սահմանադրության հրապարակված տեքստը պաշտոնական չէ․ 5 օր առաջ ստեղծված կայքը, Իկոնոմովի պնդումը և նախարարության պարզաբանումը
Կալլասն ու Բայրամովը հեռախոսազրույց են ունեցել
Քաղաքականություն
20.06.2025 | 18:19
Ադրբեջանի ԱԳ նախարար Ջեյհուն Բայրամովը և ԵՄ արտաքին գործերի և անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Կայա Կալլասը հեռախոսազրույց են ունեցել։ Ըստ ադրբեջանական կողմի հաղորդագրության՝ հեռախոսազրույցի ընթացքում քննարկվել է Իսրայելա-իրանական հակամարտության հետևանքով ստեղծված անվտանգության ներկա իրավիճակը։
«Կողմերը մտահոգություն են հայտնել տարածաշրջանում իսրայելա-իրանական հակամարտության հետևանքով ստեղծված անվտանգության իրավիճակի վերաբերյալ և ընդգծել հակամարտությունը դիվանագիտական ճանապարհով լուծելու կարևորությունը։
Գնահատվել է նաև Ադրբեջանի կարևոր դերը Իրանից օտարերկրյա քաղաքացիների, այդ թվում՝ Եվրամիության անդամ երկրների քաղաքացիների տարհանման գործում։
Կողմերը նաև մտքեր են փոխանակել փոխադարձ հետաքրքրություն ներկայացնող այլ հարցերի շուրջ»,- ասված է հաղորդագրության մեջ։
Թարգմանությունը՝ Էմմա Չոբանյանի
