07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Եթե մտահոգություն լինում է, ՊՆ-ն տեղեկացնում է. փոխնախարարը` հայ-իրանական սահմանի մասին․ ՏԵՍԱՆՅՈՒԹ
Քաղաքականություն
16.06.2025 | 12:41
«Եթե որևէ խնդիր լինի, մենք անպայման համապատասխան հաղորդագրություն կտարածենք»,- այսպես արձագանքեց ՊՆ փոխնախարար Արման Սարգսյանը` պատասխանելով Factor TV-ի հարցին՝ թե ի՞նչ իրավիճակ է հայ-իրանական սահմանին և արդյո՞ք ադրբեջանական ԶՈՒ-ի տեղաշարժեր կան։ Արման Սարգսյանը հորդորեց հետևել պաշտպանության նախարարության տարածած հաղորդագրություններին։
ՊՆ փոխնախարարն, ըստ էության, չպատասխանեց նաև հարցին, թե ստեղծված իրավիճակում կա՞ արդյոք Հայաստանի դեմ Սյունիքի ուղղությամբ Ադրբեջանի կողմից նոր ագրեսիայի ռիսկ։ Այս դեպքում էլ նույնական պատասխան տվեց․ «Եթե մտահոգություն լինում է, ՊՆ-ն տեղեկացնում է»։
Հիշեցնենք, որ Իսրայելը հունիսի 13-ին հարձակում է սկսել Իրանի վրա՝ թիրախավորելով միջուկային օբյեկտները, ռազմական և էներգետիկ ենթակառուցվածքները: Հարվածների հետևանքով զոհվել են բարձրաստիճան զինվորականներ, միջուկային ոլորտի գիտնականներ և խաղաղ բնակիչներ։ Իրանն էլ ի պատասխան հարվածներ է հասցնում Իսրայելի տարածքին:
Մանրամասները՝ տեսանյութում։
Մանյա Պողոսյան
