06.04.2026 | 10:17
Ավինյանը դժգոհեց տրանսպորտի վարչության աշխատանքից. ֆինանսական հաշվետվություն պահանջեց․ ՏԵՍԱՆՅՈՒԹ
Սերժ Սարգսյանի նկատմամբ 5 մլն դրամ գրավ կիրառվեց
Հասարակություն
10.06.2025 | 18:06
Հայաստանի երրորդ նախագահ Սերժ Սարգսյանի պաշտպան Ռուբեն Հակոբյանն այսօր միջնորդեց վերացնել Սարգսյանի նկատմամբ ընտրված խափանման միջոց բացակայելու արգելքը:
Ըստ Հակոբյանի՝ քննիչը Սարգսյանի նկատմամբ բացակայելու արգելք խափանման միջոցն ընտրելիս նշել է, որ առկա է թաքնվելու ռիսկ, սակայն որոշումը որևէ կերպ չի հիմնավորել։ Փաստաբանի խոսքով՝ եթե անգամ մի կողմ թողնենք նախաքննության փուլը, ապա այժմ, երբ գործն արդեն դատարանում է, մեղադրյալի նկատմամբ խափանման միջոց կիրառելու հիմք այլևս առկա չէ:
Պաշտպանը միջնորդեց Սարգսյանի խափանման միջոցը վերացնելու միջնորդությունը մերժելու դեպքում նրա նկատմամբ 5 մլն դրամ գրավը կիրառել որպես խափանման միջոց:
Մեղադրող Գորիկ Հակոբյանը գրավի դեմ չառարկեց:
Դատարանը որոշեց 5 մլն դրամ գրավ կիրառել Սարգսյանի նկատմամբ:
Արաքս Մամուլյան
