09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Հանգի՛ստ եղեք, Կառավարության ծրագրում գրված թվերը դառնալու են իրականություն. ԿԳՄՍ նախարար․ ՏԵՍԱՆՅՈՒԹ
Հասարակություն
10.06.2025 | 12:58
Այն թվերը, որ գրված են Կառավարության ծրագրում, դառնալու են իրականություն, և ես առաջարկում եմ բոլոր թերահավատներին՝ մասնակցել կազմակերպվող առաջիկա շրջայցերին դպրոցներ, գալ և տեսնել աշխատանքների կատարման որակը, ստանդարտը և ծավալը։ Այս մասին ԱԺ համատեղ հանձնաժողովների նիստում 2024 թվականի պետական բյուջեի նախնական քննարկումների ժամանակ ասաց ԿԳՄՍ նախարար Ժաննա Անդրեասյան։
Նախարարը վստահեցրեց՝ այդ այցերից հետո թերահավատների թիվն էապես կնվազի։
«Կապիտալ ծախսերի կատարման ցուցանիշների աճը վկայում է այն մասին, որ ունենք վստահություն, որ բոլոր պլանները, որոնք դրված են նախարարության առաջ, հավակնոտ ծրագրեր են, բայց կուտակված ռեսուրսը և աշխատանքի տեմպը տալիս են վստահություն, որ այն ցուցանիշները, որոնք նախատեսված են Կառավարության ծրագրերով, իրականացվելու են: Անդրադարձս նաև դպրոցներին և մանկապարտեզներին է»,- նշեց Անդրեասյանը։
Նշենք, որ «Հայաստան» խմբակակցության պատգամավորներ Լիլիթ Գալստյանի և Արմենուհի Կյուրեղյանը մի քանի դիտարկումներ էին ներկայացրել դպրոցաշինության ոլորտի արձանագրված պատկերի վերաբերյալ։ Լիլիթ Գալստյանը նշել էր, որ 5 տարում 40 դպրոցի շինարարություն է ավարտվել, մինչդեռ, ըստ Կառավարության ծրագրի, մինչև 2026 թվականը պետք է կառուցվի 300-500 դպրոց։
Մանրամասները՝ տեսանյութում։
Մանյա Պողոսյան
