29.04.2026 | 16:33
«Չերյոմուխա»-ի կիրառման դրվագը դատարան է ուղարկվելու. դատախազը` «Մարտի 1»-ի գործի մասին․ ՏԵՍԱՆՅՈՒԹ
«Հայաստան» խմբակցությունը կապահովի պակասող 28 ստորագրությունը՝ իմփիչմենթի գործընթացի համար․ Քրիստինե Վարդանյան
Քաղաքականություն
09.06.2025 | 15:16
«Հայաստան» խմբակցության պատգամավոր Քրիստինե Վարդանյանը գրառմամբ տեղեկացրել է, որ «Հայաստան» խմբակցությունը կապահովի պակասող 28 ստորագրությունը՝ Նիկոլ Փաշինյանի դեմ իմփիչմենթի գործընթաց սկսելու համար։
««Հայաստան» խմբակցությունը, հավատարիմ մնալով ավելի վաղ արված հայտարարությանը, վերահաստատում է իր պատրաստակամությունը՝ ապահովել պակասող 28 պատգամավորի ստորագրությունները ողջամիտ ժամկետներում՝ ԱԺ-ում իմպիչմենտի գործընթաց նախաձեռնելու համար։ Այս հարցերի շուրջ «Պատիվ ունեմ» խմբակցության մեր գործընկերների հետ պատրաստ ենք հավելյալ քննարկման»,- ասված է գրառման մեջ։
Հիշեցնենք, որ ՀՀԿ Գործադիր մարմնի կոչով «Պատիվ ունեմ» խմբակցությունը հայտարարել է Դավիթ Համբարձումյանի թեկնածությամբ իմփիչմենթի գործընթաց նախաձեռնելու մասին՝ ստանձնելով գործընթացի քաղաքական պատասխանատվությունը:
