17.05.2026 | 16:12
Խափանում մետրոպոլիտենում․ այն կաշխատի մեկ գծանի երկկողմանի երթևեկությամբ
ՏԿԵ նախարարն այցելել է Հյուսիս֊հարավ ճանապարհի Աշտարակ-Թալին հատվածի շինհրապարակներ՝ ծանոթանալու կատարված աշխատանքներին
Հասարակություն
27.05.2025 | 21:48
ՀՀ ՏԿԵ նախարար Դավիթ Խուդաթյանն այսօր Արագածոտնի մարզպետ Սերգեյ Մովսիսյանի, համայնքապետերի, Ճանապարհային դեպարտամենտ հիմնադրամի գործադիր տնօրեն Արկադի Չերչինյանի և այլ պատասխանատուների հետ այցելել է Հյուսիս֊հարավ ճանապարհի Աշտարակ-Թալին հատվածի շինհրապարակներ՝ ծանոթանալու կատարված աշխատանքներին։
Առաջին կանգառն Ագարակ-Ոսկեվազ հանգույցն է եղել, որից հետո այցելել են Արուճ-Կաքավաձոր-Ագարակավան հանգույց, ինչպես նաև Աշտարակ-Թալին հատվածի 62 կմ, Դավթաշեն գյուղի հատված։
Տեղում դիտարկվել են ասֆալտապատման ընթացիկ աշխատանքները, քննարկվել են ճանապարհահատվածների առկա վիճակը, ճանապարհների կահավորման նախագծային լուծումները։
Նախարարը շինարարներին ու պատասխանատուներին հանձնարարել է ճանապարհները շահագործման հանձնել ժամանակին, բացառել եղանակային վատ պայմանների ժամանակ ասֆալտապատումը, վճարումներն իրականացնել բացառապես Ճանապարհային դեպարտամենտի լաբորատորիայի դրական եզրակացության դեպքում։
