19.02.2026 | 20:38
Կոնֆերենցիաների լիգա․ «Նոայի» մեկնարկային կազմը «ԱԶ Ալկմարի» դեմ խաղում
Այս պահին ոչ ոք տեղյակ չէ` դեպքն ինչպես է եղել. Ջրառատի գյուղապետը` պատանու մահվան մասին
25.05.2025 | 16:11
Արմավիրի մարզի Ջրառատ գյուղի մոտ Երևան-Գյումրի երթուղին սպասարկող մարդատար գնացքի տակ ընկած և մահացած 16 տարեկան պատանին Ջրառատ գյուղից է:
Ջրառատի վարչական ղեկավար Վանուշ Հայրապետյանը Factor.am-ին տեղեկացրեց, որ երիտասարդն Արցախից է, ընտանիքը 2023 թվականին է Ջրառատ եկել: Վարչական ղեկավարն ասաց՝ այս պահին ինքը դեպքի վայրում է, իսկ երկաթգիծը գյուղի միջով է անցնում:
«Այս պահին ոչ ոք տեղյակ չէ, թե ինչպես է դեպքը տեղի ունեցել: Հստակ ոչինչ հայտնի չէ»,- նշեց նա:
Հիշեցնենք՝ ՆԳՆ փրկարար ծառայությունից հայտնել էին, որ այսօր` ժամը 14:39-ին Ճգնաժամային կառավարման ազգային կենտրոն տեղեկություն է ստացվել, որ Արմավիրի մարզի Ջրառատ գյուղի մոտակայքում Երևան-Գյումրի երթուղին սպասարկող մարդատար գնացքի տակ պատանի է ընկել: ՆԳՆ փրկարար ծառայությունից նաև փոխանցել են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Ըստ նախնական տվյալների՝ Երևան-Գյումրի երթուղին սպասարկող գնացքը վրաերթի է ենթարկել Մ. Է.-ին (ծնված 2009 թ):
Մանյա Պողոսյան
