24.06.2026 | 18:23
AI լուծումներ, աշխարհագրության ընդլայնում և շատ ավելին. Eventhub-ի նոր հնարավորություններն ու առաջարկները
Պուտինի ուղղաթիռը հայտնվել է Ուկրաինայի զինված ուժերի հարձակման էպիկենտրոնում՝ Կուրսկի մարզ կատարած այցի ընթացքում
Քաղաքականություն
25.05.2025 | 13:39
Ռուսաստանի նախագահ Վլադիմիր Պուտինի ուղղաթիռը Կուրսկի մարզ այցելության ժամանակ հայտնվել է Ուկրաինայի զինված ուժերի անօդաչու սարքերի զանգվածային հարձակման հակազդման էպիկենտրոնում։ Այդ մասին հայտնել է ՀՕՊ (հակաօդային պաշտպանության) դիվիզիայի հրամանատար Յուրի Դաշկինը «Ռոսիա-24» հեռուստաալիքի եթերում, փոխանցում է Gazeta.ru-ն։
«Գլխավոր հրամանատարի ուղղաթիռի թռիչքի ժամանակ Կուրսկի մարզի տարածքով հարձակման ինտենսիվությունը զգալիորեն աճել էր։ Այդ պատճառով մենք միաժամանակ վարում էինք հակաօդային մարտ և ապահովում նախագահի ուղղաթիռի թռիչքի օդային անվտանգությունը»,-ասել է Դաշկինը։
Նա ավելացրել է, որ մարտական խնդիրն իրականացվել է հաջողությամբ։ Նրա խոսքով՝ ռուս զինվորականները հետ են մղել անօդաչու սարքերի հարձակումը։
Հիշեցնենք՝ Պուտինը Կուրսկի մարզ է այցելել առաջին անգամ՝ այն բանից հետո, երբ մարզը, ըստ ռուսական կողմի, «ազատագրվել» է Ուկրաինայի զինված ուժերից՝ մայիսի 20-ին։
