17.05.2026 | 17:13
Մետրոպոլիտենում առաջացած տեխնիկական խափանումը վերացվել է
Այսօր Ռուբեն Վարդանյանի ծննդյան օրն է
Հասարակություն
25.05.2025 | 12:27
Այսօր Բաքվի բանտում գտնվող, Արցախի նախկին պետնախարար, բարերար Ռուբեն Վարդանյանի ծննդյան օրն է։ Նրան շնորհավորել է «Ապրելու երկիր» կուսակցության համահիմնադիր Մեսրոպ Առաքելյանը։
«Հպարտություն է քեզ ճանաչելը, քեզ հետ աշխատելը, քեզ հետ ընկերություն անելը: Հպարտություն է լինել քո ժամանակակիցը։ Վստահ եմ՝ իրականացնելու ենք մեր հայրենիքի մասին քո բոլոր նվիրական երազանքները»,-գրել է Առաքելյանը։
Հիշեցնենք՝ Ռուբեն Վարդանյանն ապօրինի ձերբակալվել է Հակարիի կամրջից Արցախի հայաթափման օրերին՝ 2023թ.-ի սեպտեմբերի 27-ին։ Նրա նկատմամբ առաջադրվել է շուրջ 45 մեղադրանք, և «դատավարությունը» շարունակվում է։ Նա պնդում է, որ իր պաշտպանության իրավունքը խախտվել է։
2025 թվականի մարտին Վարդանյանը հացադուլ էր հայտարարել, որը դադարեցրեց ընտանիքի հետ հեռախոսազրույցից հետո։ Նա ձայնային ուղերձով հայտնել է, որ հաջորդ անգամ կխոսի միայն դատական եզրափակիչ նիստում։
