06.10.2026 | 16:30
ԱԺ-ում հայտարարությունների ժամ է. ՈՒՂԻՂ
Փաշինյանն ու Ալիևը սուրճի սեղանի շուրջ քննարկում ունեցե՞լ են․ ՀՀ վարչապետի աշխատակազմի պարզաբանումը
Քաղաքականություն
20.05.2025 | 14:09
ՀՀ վարչապետի աշխատակազմից չեն հայտնում՝ արդյոք Տիրանայում ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը ոչ ֆորմալ քննարկում ունեցել են, թե՝ ոչ։
Սոցիալական ցանցերում կարճ տեսանյութ էր տարածվել Տիրանայում անցկացվող Եվրոպական քաղաքական համայնքի 6-րդ գագաթնաժողովի կուլիսներից, որում լսվում է, թե ինչպես է Փաշինյանը Ադրբեջանի նախագահ Իլհամ Ալիևին հրավիրում սուրճի, ինչին ի պատասխան Ալիևն ասում է. «Հիմա կգամ, քննարկում ունեմ»։
Factor.am-ը վարչապետի աշխատակազմից հետաքրքրվել էր՝ արդյոք Փաշինյանը և Ալիևը ոչ ֆորմալ հանդիպում են տեղի ունեցել և ինչ հարցեր են քննարկել։
Վարչապետի աշխատակազմից չեն պատասխանել մեր հարցին՝ արդյոք Տիրանայում քննարկվել են խաղաղության պայմանագրի ստորագրման վերաբերյալ հարցեր և կա արդյոք համաձայնություն խաղաղության պայմանագրի ստորագրման վայրի և ժամկետների վերաբերյալ։
Factor.am-ի հարցերին ի պատասխան միայն նշել են, որ Հայաստանի վարչապետի և Ադրբեջանի նախագահի հանդիպման վերաբերյալ տեղեկությունն առկա է հրապարակված հաղորդագրությունում։
Հիշեցնենք, որ Նիկոլ Փաշինյանն աշխատանքային այցով Ալբանիա էր մեկնել մայիսի 15-ին ՝ մասնակցելու Եվրոպական քաղաքական համայնքի 6-րդ գագաթնաժողովին:
Մանյա Պողոսյան
