06.10.2026 | 12:13
Արամ Վարդևանյանի ճեպազրույցը՝ ՈՒՂԻՂ
«Զանգեզուրի միջանցք» անունով նախագիծ գոյություն չունի․ Արմեն Գրիգորյան
18.05.2025 | 23:43
Անկեղծ ասած՝ ընդհանրապես ոչ մի քննարկում չկա որևէ միջանցքի շուրջ, նույնիսկ մենք նման եզրույթ չենք օգտագործում։ Այս մասին հայտնում է Irna-ն՝ մեջբերելով Անվտանգության խորհրդի քարտուղար Արմեն Գրիգորյանը, որն այժմ աշխատանքային այցով Իրանում է։
«Մենք խոսում ենք այն մասին, թե ինչպես կարելի է տարածաշրջանային կապերը դուրս բերել փակուղուց, խաղաղություն ու կայունություն բերել տարածաշրջան և հնարավոր դարձնել զարգացումը»,-նշել է Գրիգորյանը։
Նա հավելել է, որ Հայաստանը խաղաղության և կայունության հաստատման ու փոխադարձ կախվածության բարձրացման ուղղությամբ է աշխատում․ «Մասնավորապես՝ «Խաղաղության խաչմերուկը», որը մենք առաջարկել ենք, մի նախագիծ է, որի նպատակը առկա փակուղիները բացելն ու տնտեսական ենթակառուցվածքները ամրապնդելն է՝ տարածաշրջանային կապերն ու փոխկախվածությունը խորացնելու համար։
Մենք կարծում ենք, որ սա շատ օգտակար կլինի և կնպաստի ներդրումներին՝ ուղղված տարածաշրջանի կայունությանը։ Հետևաբար՝ ենթադրում եմ, երբ վերջնական տեքստը պատրաստ լինի տնտեսական հնարավորությունների վերաբերյալ, մենք կկարողանանք քննարկել մնացած հարցերն ու սկսել աշխատել խաղաղության հաստատման ավելի լայն շրջանակում»։
