22.02.2026 | 16:38
Ուկրաինայի ուղղությամբ արձակվել է գրեթե 300 հարվածային դրոն․ Զելենսկի
Վարդան Պետրոսյանը «Քեզ համար, Ազնավո՛ւր» երևանյան համերգի հատուկ հյուրը կլինի
08.10.2018 | 15:35
Հոկտեմբերի 29-30-ին Սպենդիարյանի անվան օպերայի և բալետի ազգային ակադեմիական թատրոնում տեղի կունենա համերգ՝ նվիրված աշխարհահռչակ շանսոնյե Շառլ Ազնավուրի հիշատակին: Համերգի հատուկ հյուրը կլինի նաև ֆրանսաբնակ հայտնի դերասան Վարդան Պետրոսյանը:
«Քեզ համար, Ազնավո՛ւր» խորագրով համերգային ծրագրի ընթացքում Հայկ Պետրոսյանը, Իվետա Մուկուչյանը, Սոնա Ռուբենյանը, Էրիկը և այլ երգիչներ կկատարեն շանսոնյեի հայտնի ստեղծագործությունները: Այսօր հրավիրած ասուլիսում ՀՀ մշակույթի նախարար Լիլիթ Մակունցը տեղեկացրել է, որ համերգը վաղուց էին ծրագրել. ավելին, հույս ունեին, որ ներկա կլինի նաև ինքը՝ Ազնավուրը:
Նշենք, որ «Քեզ համար, Ազնավո՛ւր» խորագրով համերգ էր կազմակերպվել նաև անցյալ տարի, որին ներկա էր Շառլ Ազնավուրը:
