ԱՄՆ-ն և Ուկրաինան հուշագիր են ստորագրել օգտակար հանածոների վերաբերյալ համաձայնագիր կնքելու մտադրության մասին

Լուրեր

19.11.2026 | 14:38
Աշխարհի ու Եվրոպայի չեմպիոն Խուան Մատան ավարտել է կարիերան
19.11.2026 | 14:30
Բաքուն Հայաստանից ավելի քան 200 զանգվածային գերեզմանների վերաբերյալ տեղեկություններ է ակնկալում․ Հաջիև
19.11.2026 | 14:22
Արցախի և Հայաստանի միավորման քաղաքական օրակարգ չկա, որովհետև Արցախում հայեր չեն ապրում․ Վարդանյան․ ՏԵՍԱՆՅՈՒԹ
19.11.2026 | 14:21
Թրամփի, Սի Ցզինպինի և Պուտինի միջև բանակցություններն ավարտվել են․ հանդիպումը 1,5 ժամ է տևել
19.11.2026 | 14:14
Երևանում կասեցվել է «Սիթի» ընկերության հացի արտադրամասի գործունեությունը․ հայտնաբերվել են սանիտարական խախտումներ
19.11.2026 | 14:05
Պուտինը հայտարարել է, որ ՌԴ-ն, ԱՄՆ-ն ու Չինաստանն «ընդհանուր շահեր» ունեն, այդ թվում՝ Ուկրաինայում հակամարտության հարցում
19.11.2026 | 13:54
Ժաննա Անդրեասյանն այցելել է Ծիծեռնակաբերդ․ բարեկարգման աշխատանքներն ընթանում են ըստ ժամանակացույցի
19.11.2026 | 13:46
Պենտագոնի պաշտոնյան վաղաժամ լքել է Ուկրաինայի պաշտպանության հարցերով հանդիպումը՝ Կիևին քննադատելուց հետո
19.11.2026 | 13:37
Չե՛նք հանդուրժելու, զբաղվե՛ք․ Աղաջանյանը Էդգար Ղազարյանի հարցով դիմեց ընդդիմադիրներին․ ՏԵՍԱՆՅՈՒԹ
19.11.2026 | 13:29
Փաշինյանը՝ դեկտեմբերի 3-ին սպասվող Պուտինի հետ հանդիպման մասին․ ՏԵՍԱՆՅՈՒԹ
19.11.2026 | 13:21
Ռուսաստանի հավաքականը չի մասնակցի Եվրո-2028-ին
19.11.2026 | 13:14
Չեմ բացառում` վարչապետից մինչև թաղապետի պաշտոն կարող եմ զբաղեցնել. Ալեն Սիմոնյան․ ՏԵՍԱՆՅՈՒԹ
19.11.2026 | 13:06
«Խոսրովի անտառ» արգելոցի ֆոտոթակարդները կրկին կովկասյան ընձառյուծ են արձանագրել
19.11.2026 | 12:57
Չինաստանում մեկնարկել է Թրամփի, Պուտինի և Սի Ցզինպինի եռակողմ հանդիպումը. ՏԵՍԱՆՅՈՒԹ
19.11.2026 | 12:50
Թրամփը նիրհել է ԱԽՏՀ գագաթնաժողովում Սի Ցզինպինի ելույթի ժամանակ․ ՏԵՍԱՆՅՈՒԹ
Բոլորը

Ուկրաինան և Միացյալ Նահանգները ստորագրել են Ուկրաինայի օգտակար հանածոների վերաբերյալ համաձայնագիր ստորագրելու մտադրության շուրջ հուշագիր։  Այս մասին հայտնում է ՌԲԿ Ուկրաինան-ն՝ վկայակոչելով Ուկրաինայի առաջին փոխվարչապետ և էկոնոմիկայի նախարար Յուլիա Սվիրիդենկոյի  ֆեյսբուքյան գրարումը։

«Այսօր մենք քայլ արեցինք դեպի Միացյալ Նահանգների հետ համատեղ տնտեսական գործընկերության համաձայնագիր։ Ուկրաինան և Ամերիկայի Միացյալ Նահանգները ստորագրել են հուշագիր, որը ցույց է տալիս մեր թիմերի կառուցողական համատեղ աշխատանքը և մեր երկու ժողովուրդների համար շահավետ համաձայնագիրը ավարտելու և կնքելու մտադրությունը»,-ասվում է Սվիրիդենկոյի հայտարարության մեջ։

Նա նաև հայտարարել է, որ ուկրաինական կողմը պատրաստվում է ստեղծել Ուկրաինայի վերականգնման ներդրումային հիմնադրամ։

«Համապատասխան համաձայնագիրը կբացի հնարավորություններ զգալի ներդրումների, ենթակառուցվածքների արդիականացման և փոխշահավետ գործընկերության համար Ուկրաինայի և Միացյալ Նահանգների միջև։ Սա այն նպատակն է, որի համար թիմերն աշխատում են փաստաթղթի վրա», – ասել է պաշտոնյան՝ նշելով, որ համաձայնություններով հաստատում են ամերիկյան ժողովրդի ձգտումը՝ ուկրաինացի ժողովրդի հետ միասին ներդրումներ կատարել ազատ, ինքնիշխան և անվտանգ Ուկրաինայում։

«Առջևում համաձայնագրի տեքստի վերջնականացումն ու ստորագրումն է։ Իսկ հետո՝ խորհրդարանների կողմից վավերացումը»,- գրել է Սվիրիդենկոն։

Նա նաև շնորհակալություն է հայտնել «տեխնիկական թիմերին՝ ուկրաինական և ամերիկյան՝ իրենց մասնագիտական, կառուցողական և արագ աշխատանքի համար»։

Հիշեցնենք, որ Ուկրաինայի նախագահ Վոլոդիմիր Զելենսկին նախօրեին հայտարարել էր, որ Ուկրաինան և Միացյալ Նահանգները կարող են այսօր ստորագրել մտադրության հուշագիր հանածոների համաձայնագրի  շրջանակներում։ Նա նաև հավելել էր, որ իրավաբանները դեռևս աշխատում են համաձայնագրի վրա։

Զելենսկին ասել էր, որ որ երկու երկրների միջև համաձայնագրի շուրջ բանակցությունները շարունակվել են առցանց՝ հինգշաբթի օրը։Անցյալ շաբաթ Կիևի պատվիրակությունը մեկնել էր Վաշինգտոն՝ համաձայնագիրը քննարկելու համար։

Հավելենք, որ ԱՄՆ նախագահ Դոնալդ Թրափն էլ  նախօրեին հայտարարել էր, որ ԱՄՆ-ն և Ուկրաինան հաջորդ հինգշաբթի՝ ապրիլի 24-ին, կստորագրեն Ուկրաինայի հանածոների վերաբերյալ համաձայնագիրը։

«Մենք ունենք օգտակար հանածոների արդյունահանման մասին համաձայնագիր, որը կարծում եմ, կստորագրվի հաջորդ հինգշաբթի առաջիկայում։ Եվ ես ենթադրում եմ, որ նրանք պատրաստվում են իրականացնել այս համաձայնագիրը։ Կտեսնենք»,- ասել է Թրամփը Իտալիայի վարչապետ Ջորջիա Մելոնիի հետ հանդիպմանը։

Ուկրաինան և ԱՄՆ-ն պատրաստվում էին փետրվարի վերջին համաձայնագիրը կնքել։ Սակայն գործարքը չեղյալ էր հայտարարվել  Սպիտակ տանը Զելենսկիի, Թրամփի և ԱՄՆ փոխնախագահ Ջեյ Դի Վենսի միջև  հրապարակային վեճից հետո։ Մարտի վերջին հայտնի էր դարձել, որ Միացյալ Նահանգները պատրաստել է ընդերքի մասին համաձայնագրի նոր տարբերակը։ Փաստաթղթի այս տարբերակում արդեն խոսքը  Ուկրաինայի բոլոր օգտակար  պաշարներին հասանելիության մասին էր։ Ուկրաինայի իշխանությունները հայտարարել էին, որ սա տարբերակներից միայն մեկն է, և որ համաձայնագրի շուրջ քննարկումները շարունակվում են։

Թարգմանությունը՝ Էմմա Չոբանյանի