08.08.2026 | 15:38
Ողջույն Հայաստան. NVIDIA-ի հիմնադիր Ջենսեն Հուանգը շնորհավորել է Firebird-ի ԱԲ գործարանի բացման առիթով
Վարդանիկը կողմ է, որ ՀՀ-ն դառնա միութենական պետության մաս. դա ՀՅԴ 004 շրջաբերականի իրագործումն է․ ՏԵՍԱՆՅՈՒԹ
Քաղաքականություն
16.04.2025 | 14:09
«Ձեր նպատակը ՀՀ անկախության վերացումն է ու դուք աշխատում եք այդ ուղղությամբ: Բայց ես ձեզ ուզում եմ ասել, որ ձեզ մոտ դա չի հաջողվելու, ո՛չ ձեզ մոտ է հաջողվելու, ո՛չ ձեր՝ տարբեր տարիների կոալիցիոն գործընկերների»,- դիմելով դաշնակցական պատգամավորներին՝ ԱԺ ամբիոնից հայտարարեց փոխխոսնակ Ռուբեն Ռուբինյանը:
Նրա խոսքով՝ երբ Հայաստանը անկախանում էր, Դաշնակցությունը դեմ է եղել Հայաստանի անկախացմանը, ընդգծելով՝ դա փաստագրված է:
«Ու դուք էսքանից հետո եկել պետություն ու անկախություն եք պաշտպանում: Բայց սա դեռ ամենը չէ, 2022-ին Դաշնակցությունը ծնում է իր հանրահայտ 004 շրջաբերականը:
2023 թվականին Դաշնակցությունը Քոչարյանով, Սերժ Սարգսյանով իշխանափոխություն են իրականացնում ԼՂ-ում, ու դրանից մի քանի օր հետո Լեռնային Ղարաբաղը հայաթափվում է, էթնիկ զտում է տեղի ունենում»,- հիշեցրեց Ռուբինյանը:
«Պատահական չէ, որ այսօր Գյումրիում իրենց աջակցությամբ քաղաքապետ ընտրված կոմունիստ հավատացյալ Վարդանիկը հայտարարեց, որ կողմ է, որ Հայաստանը Բելառուսի օրինակով դառնա Միութենական պետության մաս, ինչը, ի դեպ, Դաշնակցության 004 շրջաբերականի իրագործումն է»,- հայտարարեց Ռուբինյանը:
Հիշեցնենք, որ Գյումրիի քաղաքապետ Վարդան Ղուկասյանը Factor TV-ի հարցին ի պատասխան այսօր նշել էր, որ կողմ է, որպեսզի ՀՀ-ն դառնա ՌԴ-Բելառուս միութենական պետության մաս։
Մանրամասները՝ տեսանյութում։
