08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Վալոդյա Գրիգորյանը` Փարաքարի համայնքապետ. Լյուդվիգ Գյուլնազարյանը և Դավիթ Մինասյանը մանդատներ են ստացել
Քաղաքականություն
14.04.2025 | 22:53
Փարաքարի ավագանու ընտրություններին մասնակցած և անցողիկ շեմը հաղթահարած քաղաքական ուժերի ներկայացուցիչներն այսօր թիվ 14 ընտրատարածքային ընտրական հանձնաժողովից ստացել են ավագանու անդամի մանդատները։ Հանձնաժողովի արձանագրությունից Factor.am-ը տեղականում է, որ անցողիկ շեմը հաղթահարած ուժերի առաջին համարները մանդատները վերցրել են։ Նրանք են՝ ՔՊ-ի թեկնածու Լյուդվիգ Գյուլնազարյանը, «Միասնություն» կուսակցությունների դաշինքի թեկնածու Վալոդյա Գրիգորյանը, «Ազգային առաջընթաց» կուսակցության թեկնածու Դավիթ Մինասյանը։
Այսպիսով` «Քաղաքացիական պայմանագիր» կուսակցությունը Փարաքար համայնքում ունի 7 մանդատ, «Միասնություն» կուսակցությունների դաշինքը` 12, «Ազգային առաջընթաց»-ը` 2 մանդատ։
Կենտրոնական ընտրական հանձնաժողովը ուժը կորցրած է ճանաչել «Միասնություն» կուսակցությունների դաշինքի ընտրական ցուցակում ընդգրկված ավագանու անդամի թեկնածուներ Տարոն Ղալողլանյանի և Հովհաննես Մխիթարյանի գրանցումները, ինչպես նաև ՔՊ ցուցակում ընդգրկված ավագանու անդամի թեկնածու Սվետա Ավագյանի գրանցումը:
Նշենք, որ ապրիլի 16-ին տեղի կունենա ավագանու առաջին նիստը: Փարաքար համայնքի ավագանու 2025 թվականի մարտի 30-ի արտահերթ ընտրությունների արդյունքներով ընտրությանը մասնակցող ավագանու անդամների տեղերի 50 տոկոսից ավելին ստացած «Միասնություն» կուսակցությունների դաշինքի թեկնածուների ցուցակի առաջին հորիզոնականում գտնվող Վալոդյա Գրիգորյանն օրենքի ուժով համարվում է ընտրված համայնքի ղեկավար: Ապրիլի 19-ին Գրիգորյանը կստանձնի համայնքի ղեկավարի լիազորությունները:
