19.02.2026 | 12:00
Պարեկ է վրաերթի ենթարկվել // Շոյգուն խոսել է հայկական երկաթուղին ՌԴ-ից վերցնելու «հետևանքների» մասին․ ԼՈՒՐԵՐ
ՀՀ-ում օտարերկրյա ուղղակի ներդրումները եռակի կրճատվել են
Տնտեսություն
09.04.2025 | 14:53
Օտարերկրյա ուղղակի ներդրումների (ՕՈՒՆ) ծավալը 2024 թ-ին 2023թ-ի համեմատ կրճատվել է ավելի քան 3 անգամ։ Վիճակագրական կոմիտեի հրապարակած տվյալների համաձայն՝ անցած տարի Հայաստանում իրականացվել է ընդամենը 138.5 մլն դոլարի օտարերկրյա ուղղակի ներդրում։ Վերջին տասնամյակում սա ամենացածր ցուցանիշն է՝ 2020 թ-ի պատերազմական և կորոնավիրուսային տարուց հետո։
ՕՈՒՆ-ի զուտ ներհոսքը Հայաստան by Factor tv
Հիշեցնենք, որ ՀՀ կառավարության 2021-2026 թթ-ի ծրագրով «տնտեսական քաղաքականության թիրախներին հասնելու համար» նպատակադրվել է ՕՈՒՆ/ՀՆԱ հարաբերակցությունը հասցնել 6%-ի: Այս թիրախին մոտ ցուցանիշ արձանագրվել է 2022 թ-ին, սակայն այդպիսի տպավորիչ աճը, ըստ ամենայնի, ոչ թե ՀՀ կառավարության ջանքերի, այլ հիմնականում դրամի արժեվորմամբ էր պայմանավորված, ինչն իր հերթին հետևանք էր ռուս-ուկրաինական պատերազմի արդյունքում ՏՏ մասնագետների և զբոսաշրջիկների մեծ ներհոսքի։
Գայանե Խաչատրյան
