05.06.2026 | 10:49
Արման Սահակյանը երկու ամսով կալանավորվեց
Ըմբիշ Արման Անդրեասյանը դուրս է եկել Եվրոպայի առաջնության եզրափակիչ
07.04.2025 | 22:35
Արման Անդրեասյանը հաղթել է վրացի ըմբիշին և երկրորդ տարին անընդմեջ դուրս եկել Եվրոպայի առաջնության եզրափակիչ։ Այս մասին տեղեկացնում են Ըմբշամարտի ֆեդերացիայից։
Եզրափակչում նրա մրցակիցը կլինի Դավիթ Բաևը։
Արման Անդրեասյանի հաղթական գոտեմարը՝ ստորև։
1/4 եզրափակչում Վազգեն Թևանյանը ցավալի պարտություն էր կրել՝ 2:3 հաշվով զիջելով ռուս ըմբիշին: Թևանյանին հաղթած ըմբիշը հասել է եզրափակիչ: Թևանյանը սփոփիչ գոտեմարտ կանցկացնի:
Մանվել Խնձրցյանը 1:4 հաշվով զիջել էր մեկնարկում ռուս ըմբիշին: 79 կգ Հայկ Պապիկյանը 0:10 հաշվով զիջել էր ուկրաինացի մրցակցին մեկնարկային գոտեմարտում։
Հայաստանի ազատ և հունահռոմեական ոճի ըմբիշներն ապրիլի 7-13-ը Սլովակիայի մայրաքաղաք Բրատիսլավայում կմասնակցեն Եվրոպայի 2025 թվականի առաջնությանը: Հայաստանի հավաքականը մրցաշարին կմասնակցի 17 ըմբիշով։
Ազատ ոճի ըմբշամարտի հավաքականի կազմում հանդես կգան նաև Եվրոպայի քառակի չեմպիոն, 61 կգ քաշային Արսեն Հարությունյանը և 74 կգ քաշային Նարեկ Հարությունյանը:
Ապրիլի 11-ից մրցագորգը կտրամադրվի հունահռոմեական ոճի ըմբիշներին: Արմեն Բաբալարյանի գլխավորությամբ մրցավայր կմեկնեն Մանվել Խաչատրյանը (55 կգ), Կարապետ Մանվելյանը (60 կգ), Կարեն Ասլանյանը (63 կգ), Սլավիկ Գալստյանը (67 կգ), Շանթ Խաչատրյանը (72 կգ), Մալխաս Ամոյանը (77 կգ), Սամվել Գրիգորյանը (82 կգ), Կարեն Խաչատրյանը (87 կգ), Արթուր Ալեքսանյանը (97 կգ), Դավիթ Օվասապյանը (130 կգ)։
