15.02.2026 | 23:14
ՔՊ-ում տեղի ունեցած քվեարկության արդյունքները՝ 23։00-ի դրությամբ․ առաջին քառյակը
Պարույր Հովհաննիսյանն ազատվել է ԱԳ փոխնախարարի պաշտոնից
Քաղաքականություն
04.04.2025 | 13:50
Նիկոլ Փաշինյանը որոշում է ստորագրել, որով Պարույր Հովհաննիսյանն ազատվել է ԱԳ նախարարի տեղակալի պաշտոնից:
«Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝ Պարույր Հովհաննիսյանին ազատել արտաքին գործերի նախարարի տեղակալի պաշտոնից»,- նշված է վարչապետի որոշման մեջ:
Հովհաննիսյանն այս պաշտոնը զբաղեցնում էր 2021 թվականի նոյեմբերի 9-ից։
Նշենք, որ ԱԳՆ-ում Պարույր Հովհաննիսյանը համակարգում էր ԵՄ-ի հետ հարաբերություններին առնչվող հարցերը։
Պարույր Հովհաննիսյանը 1998-2001թթ․ ՄԱԿ-ում ՀՀ մշտական ներկայացուցչությունում եղել է երրորդ քարտուղարը, այնուհետև՝ նշանակվել երկրորդ քարտուղար։
Նա 2001-2005 թվականներին ԱԳՆ միջազգային տնտեսական համագործակցության վարչության միջազգային տնտեսական կազմակերպությունների բաժնի պետ է եղել, 2005-2010թթ․ Եվրոպական միությունում ՀՀ առաքելության ղեկավարի տեղակալի պաշտոնն է զբաղեցրել, անուհետև եղել է խորհրդական։
